Iâm-hiong chêng

 Goá m̄ sı̄ goā-ūi lâi--ê 
  M̄ sı̄ lâi bé hái-sán--ê 
  Goá sı̄ tńg--lâi 
  Khoàⁿ lāi-hái khoàⁿ un-á khoàⁿ kau-kı̂ⁿ 
 Khoàⁿ mn̂g-kháu-thiâⁿ iâm-tiâⁿ ê hông-hun 
  Khoàⁿ jı̍t-thâu lâu hō͘ lán chng-thâu 
  Bû-hān ê jiû-chêng 
  Bû-hān ê chû-ài 
 Khoàⁿ hiong-chhin ba̍k-chiu lāi ê chhiò-bi-bi
  Thiaⁿ hiong-chhin kiò hiaⁿ-tı̄ 
  Thiaⁿ hiong-chhin lâi kóng-khí 
  Hit-toāⁿ lán ê koè-khı̀ 
  Thó-hái、pha̍k-iâm chhēng ba̍k-kia̍h 
  Mı̄-hún-tē-á chò khò͘ chò san 
  Chng-thau chng-boé im toā-chúi ê jı̍t-chí