Ióng Sim Sı̂n Si 69

 1 Ú-tiū bān-mı̍h chō-chiâⁿ, 
  Hián-chhut Siōng-tè miâ-siaⁿ; 
  Put-kı̍p un-tián só͘-choè, 
  Kiàn-tı̀ liāu-lí sèng-hoē; 
  Kéng-soán sèng-tô͘, 
  Kau-tài Iâ-so͘: 
  Siōng-tè sèng-hoē. 
  Chin-chiàⁿ pó-poè. 
 2 Khai-pı̍t thiⁿ-toē tāi-seng, 
  Sèng-tô͘ miâ-sı̀ⁿ kı̀-bêng; 
  Kàu-sı̂ Iâ-so͘ kàng-sè, 
  Lâu-huih thoè lâng hiàn-chè; 
  Bô hun chóng-cho̍k, 
  Bô piat pang-kok; 
  Thiⁿ-ē sı̀-koè, 
  Siat-lı̍p kàu-hoē. 
 3 Sèng-sı̂n chhin-chhiūⁿ iû boah, 
  Tiàu-lâng chhut-sí jı̍p-oa̍h, 
  Ín-chhoā lâi sı̀n Iâ-so͘, 
  Chí-sı̄ kiâⁿ thiⁿ lō͘-tô͘; 
  Sı̄ ēng hok-im, 
  Bián-lē lâng-sim, 
  Ke-thiⁿ tek-hēng, 
  Kàu-hoē chiâⁿ-sèng. 
 4 Sèng-hoē chū-kó͘ kı̍p-kim, 
  Siōng-tè ta̍k-sı̂ koan-sim; 
  Chá-chêng ta̍k-hāng chhoân-piān, 
  Lō͘-bé êng-kng chhut-hiān; 
  Sı̄ thoat choē-khian, 
  Tit-tio̍h seng-thian; 
  Siōng-tè sèng-hoē, 
  Sı̍t-chāi pó-poè.