Jı̂n-kan chı̀ chêng chı̍t-tiám hàu

 Sin chhēng chı̍t-niá kū saⁿ-khò͘, 
  Chiah siūⁿ-tio̍h a-bú bat chiam-chiam pó͘, 
  Chhı̄ kiáⁿ beh kà bô poàⁿ pō͘, 
  Chiah chai-iáⁿ chò pâ ê kiâm-sng-khó͘, 
 Chāi-seⁿ chı̍t-lia̍p tāu, 
  Khah iâⁿ sí-āu hàu ti-thâu, 
  Tiâⁿ chêng chı̍t ki chháu, 
  Khah hó phang-hoe moá soaⁿ-kau, 
 Thiⁿ nā ū chêng, jı̍t-goa̍t hâm chhiàu; 
  Tē nā ū chêng, khe-chúi tn̂g-lâu; 
  Jı̂n-kan chı̀-chêng chı̍t-tiám hàu, 
  Chhiú phóng chı̍t-pé kò͘-hiong ê thô͘, 
 Siūⁿ khí sè-hàn siūⁿ tong-chho͘, 
  Chı̍t ki chháu, chı̍t-tiám lō͘, 
  Bô kin ê hoe-chháu liâm-piⁿ ko͘. 
 (Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)