M̄-thang kè-kàu chı̂ⁿ-gia̍h.
M̄-thang lia̍h goá choè kau-oāⁿ tiâu-kiāⁿ.
Goá m̄-sı̄ mı̍h-kiāⁿ.
Goá sı̄ chı̍t ê
Sı̀ⁿ-miā.
Lín ê chhá-nāu hō͘ goá sim thiàⁿ.
Lín ê tâm-phoàⁿ hō͘ goá chhiⁿ-kiaⁿ.
Siáⁿ lâng teh koat-toàn goá ê ūn-miā?
Siáⁿ lâng ū koân....gı̄-tiāⁿ?
Chhut-sı̀ tı̄ lin koè-óng ê thiàⁿ,
Goá bô sio̍k tı̄ lín
Jı̄m-hô chı̍t-ê.
Goá chù-tiāⁿ sit-khı̀ lín
Kı̂-tiong chı̍t-ê.
Sit-khı̀ chı̍t-ê
Chiâu-chn̂g ê ke,
Kap bô khih-sûn ê gín-á-sı̂.
Mo͘h chı̍t-sian siak-phoà ê o͘-lín-gió,
Jı̍t-jı̍t bāng chı̍t-ê
Éng boē tit-chiâⁿ ê
Thian-lûn bāng.
M̄-bián saⁿ-chiⁿ.
Goá m̄-sı̄ siām-ióng-hùi.
Goá m̄-sı̄ koân-lı̄.
Goá pí koân á-sı̄ chı̂ⁿ
khah pó-kùi.
Chhiáⁿ thè goá chún-pı̄
Chı̍t ê an-ún ê siū....thang koè-mı̂.
M̄-thang boē kı̀-tit:
Goá sı̄ lín chhin-siⁿ,
khiā tı̄ piah-piⁿ khoàⁿ lín hun-khui,
Kú-kú tán bô lâng thiàⁿ ê
Soè-hàn kiáⁿ-jı̂.
(Tâi-bûn-thong-sı̀n tē 59 kı̂, 1998 nı̂ 12 goe̍h)
