Kó͘-chá ê tha̍k-chheh-lâng
Kóng sı̄ siáⁿ-mı̍h
Sı̍p-liân hân-chhong bû-jı̂n būn
It-kú sêng-bêng thian-hā ti
Kūi toà kim-loân-pó-tiān
Ta̍k-jı̍t hoah
Ngó͘-chú bān-soè bān-bān soè
Hióng-siū êng-hoâ hù-kùi
Kó͘-chá ê tha̍k-chheh-lâng
Chhiú hian siáⁿ-mı̍h sèng-hiân su
Pit siá bûn-chiong khió gı̂m si
Kóng sı̄ hong-liû châi-chú
Peh-sèⁿ kha̍p-thâu kiò i
Tāi-jı̂n--á tāi-jı̂n--á
Kó͘-chá ê tha̍k-chheh-lâng
Chhùi tha̍k sèng-hiân chheh
Ba̍k-chiu khoàⁿ hông-tè
Chin-soán thian-hā ê bí-lú
Kóng sı̄ lí-só͘-tong-jiân
Thâu-khak lāi lóng-sı̄
Tı̀-hūi--ê
Liông-hó͘-oân hoân-siàu-tan
