1 Thiⁿ-ē piàn-piàn ta̍k pang-kok,
Lâng-lâng sim-koaⁿ o͘-àm,
Pún choè Sat-tàn ê lô͘-po̍k,
Chêng-hêng sı̍t-chāi chhiⁿ-chhám;
Thiⁿ-pē jı̂n-ài toā chû-pi,
Iúⁿ-chhı̄ pó-hō͘ bān bı̂n,
Khó-sioh peh-sı̀ⁿ m̄ pài i,
Khı̀ pài ngó͘-siōng kúi-sı̂n.
2 Lán choè Iâ-so͘ ê ha̍k-seng,
Tit chai Kiù-sè hoat-tō͘,
Tio̍h kia̍h chin-tō ê kng-teng,
Chhoā lâng tâng kiâⁿ thiⁿ-lō͘,
Hok-im tio̍h thoân phó͘ thiⁿ-ē,
Tang-sai lâm-pak lóng thiaⁿ,
Kà lâng sūn-ho̍k tı̄ Thiⁿ-pē,
Sı̀n-khò Kiù-chú chun miâ.
3 Chhân-hn̂g gō͘-kak toā sı̀-koè,
Koah-tiū toā-toā khiàm kang,
Khún-kiû chhân-chú chhut lâng choē,
Kín-kín thoè Chú siu-tang;
Goān Chú chhun-chhiú pa̍k Sat-tàn,
Kı̀m tı̄ tē-ge̍k chhim-ian,
Hō͘ lâng kui Chú bû sò͘-bān,
Thian-kok kóng-khoah bû-pian.
