Kı̀-liām Siat-kàu
1. Chá-chêng lán bê lō͘ ê sı̂,
Chin-oa̍h Siōng-tè to m̄-bat I;
Chiah ê ngó͘-siōng khoàⁿ choè tùi- tiōng,
Nā m̄ ho̍k-sāi chiū ū chai-iong.
2. Chá-chêng lán kiâⁿ bê-lō͘ ê sı̂,
Kiù-chú Iâ-so͘ to m̄-bat I;
Choē-ok hêng-hoa̍t sim choân bô bêng,
Lia̍h choè kiâⁿ gı̄ thang tit soé chheng.
3. Chá-chêng lán kiâⁿ bê-lō͘ ê sı̂,
Pó-hūi Sian-siⁿ to m̄-bat I;
Bē ê pı̀ⁿ ē, gōng ê pı̀ⁿ cheng,
Siūⁿ sı̄ khûn tha̍k ha̍k chı̀ sim bêng.
4. Chá-chêng lán kiâⁿ bê-lo͘ ê sı̂,
Sam-ūi ê Sı̂n hoat-chhut chû-pi;
Khui-khé Bú-hoē thoân-tō ı̄ⁿ-pang,
Choan chhe sù-chiá chı̄n-la̍t kiù lâng.
5. Taⁿ lán bat Pē hoaⁿ-hí chhē I,
Iā bat Sèng-kiáⁿ sı̄ lán hiaⁿ-tı̄;
Koh bat Sèng Sı̂n kám-hoā bān-bı̂n,
Chheng-siā bān-siā hō͘ lán oāⁿ sin.
[Koà-chhài-chí Tē 77 hō(Tâi-oân Kàu-hoē-pò Tē 567 hō），1932 nı̂ 6 ge̍h]
