Hō͘ goá chiū-kūn Lí:
Biān-tùi àm-mı̂ tn̂g-tn̂g,
O̍h Lí kı̂-tó kàu thiⁿ-kng.
Hō͘ goá chhin-chhiūⁿ Lí:
Chāi-siⁿ bô kiû lâng an-ùi,
Kan-ta kiû kā lâng an-ùi.
Hō͘ goá kàu Lí kha-chêng:
Goá ê kiau-ngō͘ siū Lí phah-chı̍h,
Thang o̍h-tio̍h chin-chiàⁿ ê khiam-pi.
Hō͘ goá khı̂ⁿ tiàm Lí sin-piⁿ:
Thang tı̄ poa̍h-tó ê sı̂,
Khiú Lí ê saⁿ-á-ki.
Hō͘ goá thè Lí poē sı̍p-jı̄-kè:
Goá ê ba̍k-sái kiû Lí chhit-ta,
Khan goá kiâⁿ hiòng Kok-kok-tha.
Hō͘ goá kin Lí ê kha-jiah:
Goá ê kha-chiah hō͘ lâng kiâⁿ,
Lí ê gı̄ chá-jı̍t tit-chiâⁿ.
Hō͘ goá choè Lí ê kan-chèng:
Bı̄n-chêng ū tùi-te̍k kui-pâi,
Kiû Lí choè goá ê tı̂n-pâi.
Hō͘ goá chhin-chhiūⁿ eⁿ-á phak tı̄ Lí heng-chêng:
Sè-chiūⁿ ê kang taⁿ choè-soah,
Chhoā goá kap Lí koh-oa̍h.
