Kı̂-tó preface

(Preface) Chit-pún chok-phín-chı̍p pâi-lia̍t tı̄ Lí ê bı̄n-chêng, Chú ah, in sı̄ goá tı̄ choē-choē jı̍t--sı̂ kap àm-mı̂, phoe-miā só͘-siá. Taⁿ goá kā in hiàn hō͘ Lí, chhin-chhiūⁿ goá chiong ka-kı̄ hiàn hō͘ Lí. In sı̄ tùi goá ê sı̀ⁿ-miā só͘-chhut, kám-un ê sio-chè. Kám-siā Lí ê ín-chhoā, Chú ah, hō͘ goá chai-bêng, chhui-kóng Lô-má-jı̄, khǹg-lo̍h Tâi-oân bûn-ha̍k ê ki-chio̍h, sı̄ Lí hō͘ goá ê sù-bēng. Ìn-soat chiah-ê chok-phín, tāi-piáu chı̍t kai-toāⁿ ê oân-sêng. Kiû Lí sèng-hoà chit-hō bı̂-soè ê kang, thang hō͘ i lı̄-ek-tio̍h Tâi-oân, goá siūⁿ-beh khí-chō ê kok. Tı̄ ko͘-lı̍p ê sı̂-khek, koh chı̍t-pái kiû Lí ín-chhoā goá, chhin-chhiūⁿ Lí bat ín-chhoā Sù-tô͘ Pó-lô chı̍t-iūⁿ. Sù hō͘ goá kàu-gia̍h ê thiàⁿ, goá ê Chú ah, hō͘ goá thang thun-lún só͘-ū ê gō͘-kái kap ko͘-toaⁿ, oân-sêng Lí só͘ tiāⁿ-tio̍h ê sū-kang. (“Goá ū chı̍t-ê Bāng”, Tēⁿ Ngá-ı̂ chok-phín-chı̍p)