Kap Chú tâng sí tâng oa̍h

 1. Kám-siā Siōng-tè, un-tián thiàⁿ-thàng, 
  Siúⁿ-sù Sèng Kiáⁿ, thoè lán siū sí; 
  Kı̀ⁿ-nā chiap-la̍p, sı̀n I ê lâng, 
  Chiū thang chiâⁿ-choè Siōng-tè kiáⁿ-jı̂. 
 2. Kiù-chú Iâ-so͘, oân-choân bô choē, 
  Tam-tng goá choē, siū tèng sı̍p-kè; 
  Lán tio̍h khiam-pi, sêng-sı̍t hoán-hoé, 
  Chiah thang chiū-kūn, Thiⁿ-pē Siōng-tè. 
 3. Sı̀n Chú ê lâng, só͘ tio̍h keng-giām, 
  Chiū-sı̄ kap Chú, tâng-sí, tâng-oa̍h; 
  Pó-poè chin-lí, ta̍t-tit siàu-liām, 
  Kian-kò͘ sı̀n-sim, bián-tı̀ iô-choah. 
 4. Goá ê choē-sin, í-keng lóng sí, 
  M̄-chún choē-ok, kau-tı̂ⁿ bô soah; 
  Goá-taⁿ teh oa̍h, m̄-sı̄ ka-kı̄, 
  Chú tiàm tı̄ goá lāi-bı̄n teh oa̍h 
 5. Goān Chú thiàⁿ-thàng, chhui-pek goá sim, 
  Chān goá it-seng, kap Lí kiat-liân; 
  Pò-iông kiù-sè, chin-lí, hok-im, 
  Hō͘ lâng tit Chú ke̍k-toā un-tián. A-men. 
 (Tâi-oân Kàu-hoē Kong-pò, Tē 842 kı̂, 1959 nı̂ 2 goe̍h)