(Tùi chı̍t-ê Tâi-gí Bûn-ha̍k Chū-hoē ê Kám-sióng)
Kek-bēng ê chū-hoē khai-sí,
Léng-khı̀-pâng tà bông-bū,
Sian-kak chhùi-kı̂ⁿ kâm-hun,
Piān-lūn Tâi-gí ūn-tōng ê sí-kak.
In ê chhùi-noā chhin-chhiūⁿ chhèng-chí sàu-siā,
Toāⁿ tı̄ toh-téng, chı̍t-ē chiū bô iáⁿ-jiah.
Khui-hoē N̄g-tiám-cheng, iáu-boē ū kiat-lūn.
Goá ê thâu-khak tiuh-tiuh-thiàⁿ,
Tı̀-hūi tāi-khài iā bô kàu-gia̍h,
Thiaⁿ-bô in ko-chhim ê kiàn-kái.
Kan-ta chai-iáⁿ bô lâng mn̄g-khí,
Chia̍h-hun kiám ū hông-gāi.
Goá suh bô kek-bēng ê sin khong-khı̀,
To̍k-to̍k phı̄ⁿ-tio̍h ta-po͘-lâng kài boē-khı̀ ê hun-bı̄.
In bô kek-bēng ka-kı̄,
Tú-tú sı̄ sin ê kek-bēng ê khai-sí.
