1 Siōng-tè peh-sı̀ⁿ tı̄ khòng-iá,
Bô thang lim-chia̍h bô thang khiā,
Thiⁿ-pē àⁿ-lo̍h khoàⁿ kan-khó͘,
Lı̂n-bín pang-chān khui oa̍h-lō͘.
2 Mô͘-se hōng bēng phah chio̍h-poâⁿ,
Hut-jiân lâu chhut oa̍h chúi choâⁿ,
Siōng-tè tùi thiⁿ kàng má-ná,
Peh-sı̀ⁿ jı̍t-jı̍t chia̍h kàu pá.
3 Lán lâng chiām toà toē-bı̄n-chiūⁿ,
Ná tı̄ khòng-iá chı̍t-poaⁿ-iūⁿ,
Sinı̀m-hûn iau-gō ài lim-chia̍h,
Tit-tio̍h Iâ-so͘ ū kàu-gia̍h.
4 Iâ-so͘ chiàⁿ-sı̄ thiⁿ chin piáⁿ,
Seng-khu phah-phoà kiù sı̀ⁿ-miā,
Pó huih lanû chhut oē chí-khoah,
Iúⁿ-chhı̄ ha̍k-seng kàu éng-oa̍h.
5 Lán siū Sèng-sı̂n toā un-tián,
Hó-táⁿ keng-kè tāng chhı̀-liān,
Gū-tio̍h tùi-te̍k oē khah-iâⁿ,
Kàu-bé ún-tàng chiūⁿ Thiⁿ siâⁿ.
