Chit jı̍t
Goá koh khiā tı̄ lí ê bōng-chêng,
Chhin-ài ê a-bú,
Lí kiám ū thiaⁿ-tio̍h goá sim ê âu-kiò?
Lí kiám ū khoàⁿ-tio̍h goá ê ba̍k-sái?
Bû-chı̄n ê siàu-liām,
Bû-chı̄n ê pi-siong,
Cháiⁿ-iūⁿ lí beh lı̄-khui goán?
Goá sı̂-siông bāng-kı̀ⁿ lí,
Chhiò-chhiò chē tı̄ lí ê pâng-keng,
Goá tùi ka-kı̄ kóng:
“Án-ni, che-sı̄ chı̍t ê thang kiaⁿ ê chhò-gō͘, ”
Tng goá tùi bı̂n-bāng chhíⁿ,
Chhò-gō͘ pı̀ⁿ-chiâⁿ sū-sı̍t,
Chhin-ài ê a-bú,
Goá sı̄ í-keng sit-khı̀ lí lah!
Goá ê sim chin loán-jio̍k,
Goá ê ba̍k-chiu ia̍h khoàⁿ kı̄n-kı̄n,
Kàu taⁿ,
Goá boē-thang tùi lí ê kui thian,
Tit-tio̍h hoaⁿ-hí,
Jı̍t--sı̂ goá choè-kang,
Mı̂--sı̂ goá lâu-sái,
Pi-ai tùi sı̀-piⁿ chhiong-kek goá.
(Lú-soan Goe̍h-khan Tē 111-113 kı̂, 1969 nı̂ 3-5 goe̍h)
