Khó͘-táⁿ chhám-ke̍k ê ai-gú
Sí kiáⁿ ê sı̂ :
1.Iâu-thian tōng-tē ê chhám-kéng,
Put-ti gûi-ki chāi ba̍k-chêng;
Khó͘-kéng boē kàu ê tāi-seng,
Hoeh-me̍h si-soàⁿ lân pò bêng.
2.Sim bâng loān-loān oh tit kóng,
Hut-jiân chhám siaⁿ kàu thian-tông;
Pi-koan chhám-kéng àm bong-bong,
Ai-ai kiò-kiò loān-loān chông.
3.Siūⁿ tio̍h sı̍t-chāi chin thang kiaⁿ,
Khó-lı̂n sè-kiáⁿ ê chhám siaⁿ;
Chhám siaⁿ tı̍t-thàu kàu thiⁿ-siâⁿ,
Kiù-chú chhoā i bián kiaⁿ-hiâⁿ.
4.Kiù-chú chhun-chhiú lâi khan khı̀,
Kiaⁿ-hiâⁿ giâu-gı̂ siau bô-khı̀;
Iûⁿ-ko Sèng-siâⁿ kng bô pí,
Kim-siâⁿ bián-liû kham tit tı̀.
5.Sè-chiūⁿ hiān tiàm ê kiáⁿ-jı̂,
M̄-thang tāng-bı̂n bô kéng-chhéⁿ;
Khoàⁿ kàu chit-sı̂ ê gûi-ki,
Put-ti liân kàu tò hiuⁿ-lí.
6.Kàu-sı̂ Kiù-chú chhiûⁿ toā hong,
Phàⁿ-chhek phē-á chiūⁿ poàⁿ-khong;
Hit-sı̂ phàⁿ-chhek bô oē kóng,
Chí-ū tengchhek7 hō͘ Chú pōng.
7.Iûⁿ-ko Sèng-siâⁿ súi bô pí,
Choē koà lâ-sâm oh-tit khı̀;
Kiù-chú pó-hoeh sé kàu lı̄,
Khò I chiū ē, bián iân-tı̂.
8.Lêng-hûn chheng-khı̀ toè Iâ-so͘,
Sı̀n-khò Kiù-chú kiâⁿ toā pō͘;
Chheng-liân kiáⁿ-jı̂ sim bô o͘,
Kiù-chú chiap-chiūⁿ chı̀ sèng-só͘.
9.Siūⁿ-tio̍h kiáⁿ-jı̂ sim-thâu sng,
Sè-kan m̄-sı̄ laō êng-kng;
I tı̄ sè hàn thiaⁿ khó͘-khǹg,
Kàu Chù bı̄n-chêng kú tn̂g-tn̂g.
10.Sè-chiūⁿ gûi-ki, tio̍h kı̍p sı̂,
Choân-sim khò Chú bo̍h iân-tı̂;
Sè-chiūⁿ khó͘-kéng moá-moá sı̄,
Kiù-chú kap goán éng bô lı̄.
11.Khǹg lín chheng-liân kín-sı̄n thiaⁿ,
M̄-thang an-sim, chò bô-iáⁿ;
Sè-kan hō-hok bô khak-tiāⁿ,
Sı̀n-khò Kiù-chú tio̍h phap-piàⁿ.
(Tâi-oân Kàu-hoē Kong-pò tē 600 koàn, 1935 nı̂ 3 ge̍h)
