1 Khó-sioh goá sim o͘-àm,
Gū-tio̍h Mô͘-kúi bê-he̍k,
Lı̄-khui thian-tông lō͘-chām,
Hiám-hiám kiâⁿ-kàu tē-ge̍k;
Khún-kiû Sèng-sı̂n tùi thiⁿ kàng-lı̂m,
Ēng Chú hok-im lâi-chiò goá sim.
2 Khó-sioh goá sim ù-oè,
Hoat-khí phian-su chhit-chêng,
Chhut-sı̀ í-lâi hoān-choē,
Boa̍t-jı̍t tio̍h siū tāng-hêng:
Khún-kiû Sèng-sı̂n tùi thiⁿ kàng-lı̂m,
Ēng Chú pó-huih lâi soé goá sim.
3 Khó-sioh goá sim m̄-chheng,
Ū pı̄ⁿ ū sí khoah-gāi,
Koh ū pháiⁿ-lâng chhiòng-hêng,
It-hoat thó͘-khùi sim-lāi;
Khún-kiû Sèng-sı̂n tùi thiⁿ kàng-lı̂m,
Ēng Chú pêng-an lâi khui goá sim.
4 Khó-sioh goá siı̀m loán-jio̍k,
Kiâⁿ-hó lóng bô chiâu-pı̄,
Kèng-ài Siōng-tè bē-chiok,
Sè-kan sū-chêng tı̀-ı̀;
Khún-kiû Sèng-sı̂n tùi thiⁿ kàng-lı̂m,
Ēng Chú oân-choân lâi chiâⁿ goá sim.
