Pêng-iú
Lí nā àn Khai-san-lō͘ kiâⁿ--koè
Chhêng-á-kha
Chhiū-ńg choē
Hong liâng-liâng
Sió-chē--chı̍t-ê
Goá chiok hoaⁿ-hí
Kūn-ông chò chhù-piⁿ
Tiàm-thâu sui-jiân ū khah-sè
Phoà-toh-á chı̍t-tè
Chhâ-í-á nn̄g-saⁿ liâu
Í-thâu-á saⁿ-sı̀ chiah
Bô-hiâm só͘-chāi e̍h
Chhiáⁿ lí sió-chē--chı̍t-ê
Khai-káng phàu-tê
Kóng-thiⁿ oē-tē
Kūn-ông chò chhù-piⁿ
Beh thiaⁿ Tâi-oân ê koè-khı̀
Lāu sian-siⁿ chham lí
Bān-bān lâi kóng-khí
Chı̍t-tè chng-á chı̍t-kháu chéⁿ
Chı̍t-keng biō-á chı̍t-tiâu ke
Chı̍t-chō siâⁿ-mn̂g chı̍t-tó͘ piah
Chhiong-boán le̍k-sú ê thó͘-tē
Pêng-iú--á
Han-chû chı̍t-tiâu-á-kiáⁿ
Tâi-oân sı̄ i ê miâ
M̄-thang hiâm i sè
Chit-tè thó͘-tē lán tio̍h-ài thiàⁿ
Chı̍t-chō siâⁿ-mn̂g chı̍t-tó͘ piah
Chhiong-boán le̍k-sú ê thó͘-tē
Chhiáⁿ-chē chhiáⁿ-chē
Chhêng-á-kha ê só͘-chāi
Bô ka-pi bô phòng-í
Tùi-bı̄n Kim-ku-chhiū
Chho͘-chho͘ ê lāu-phoê
Hio̍h-á chhiⁿ-chhiⁿ-chhiⁿ
Khoàⁿ--khí-lâi sèng-keh sèng-keh
Pêng-iú--á
Lâi lâi
Chē--chı̍t-ê
Kóng lán ài kóng ê oē-tê
Khoàⁿ lán ài khoàⁿ ê chheh
Phàu lán ài phàu ê tê
Siōⁿ beh lim chı̍t poe
Bô koan-hē
Lí khı̀ bé chiú
Goá khoán mı̍h-phoè
Chóng-phâng tùi m̄-chhut
Pat-sian tàu káu-koài
Tan-chhau tùi nn̄g-ê siong-hó--ê
Kiâⁿ-koè Khai-san-lō͘
Nā bô khı̀-hiâm
Chhêng-á-kha
Chhiū-ńg choē
Hong liâng-liâng
Sió-chē--chı̍t-ê
Khoàⁿ lán ài khoàⁿ ê chheh
Phàu lán ài phàu ê tê
