Khiam-pi
Khiam-pi
[siu-kái]Chit-siú ê si pún sı̄ hoan-e̍k Soàⁿ-thâu ê khiuⁿ, ı̀n tı̄ in-ê Kong-hoē Cha̍p-lio̍k; āu-lâi goán hoan-e̍k Tâi-oân ê khiuⁿ, lâi ı̀n tı̄ chia.）
1.Khoàⁿ Eng-jı̂ tı̄ bé-chô lāi,
I kha-ē bo̍k-chiá kèng-pài:
Sı̄ goá Chú! Sèng-keng só͘ kı̀-chài,
Sı̄ goá Chú! Êng-kng ê Chú-cháiⁿ.
Ēng khiam-pi, ēng sim pài-kūi,
Jı̄n goá Chú chı̀-chun chı̀-kùi.
2.Khoàⁿ chit-lâng tı̄ Ná-sat-le̍k,
Sūn pē-bó, chin ū hàu-tek:
（Múi-chat tio̍h soà gı̂m ē-bı̄n sı̀-choā.）
Sı̄ goá Chú! Sèng-keng só͘ kı̀-chài,
Sı̄ goá Chú! Êng-kng ê Chú-chái .
Ēng khiam-pi, ēng sim pài-kūi, Jı̄n goá
Chú chı̀-chun chı̀-kùi.
3.Khoàⁿ chit-lâng moá-sim hoân-ló,
Tı̄ khòng-iá kı̀m-chia̍h iau-gō:
（Koh gı̂m hit sı̀-choā.）
4.Lia̍p-sat-lō͘ bōng-chêng lâi thiaⁿ,
Sı̄ chit-lâng ai-khàu ê siaⁿ:
（koh gı̂m hit sı̀-choā.）
5.Am-mı̂ tı̄ Khek-se-má-nı̂,
Kiû Siōng-tè chiâⁿ I chí-ı̀:
（koh gı̂m hit sı̀-choā.）
6.Khoàⁿ I sí tı̄ sı̍p-jı̄-kè,
Lâu pó-hoeh lâi kiù Thiⁿ-ē:
（koh gı̂m hit sı̀-choā.）
7.Phoà-khui bōng tùi sí koh-oa̍h,
Lı̂n-bín lâng, si-in bô-soah:
（koh gı̂m hit sı̀-choā.）
8.Kia̍h-ba̍k khoàⁿ thiⁿ-téng chō-ūi,
Chip koân-pèng koán-lí bān-lūi:
（koh gı̂m hit sı̀-choā.）
(Tâi-oân Hú-siâⁿ Kàu-hoē-pò tē cha̍p-it tiuⁿ, 1886 nı̂ la̍k--goe̍h)