Khoàⁿ kng Chheⁿ
1. Chhiáⁿ khoàⁿ thiⁿ-téng kng-bêng ê chheⁿ ,
Êng-kng chhàn-lān piàn-chiò àm-mê ;
Ūi-hô hut-jiân hit liap3 chhut-hiān ?
Sı̄ Chú kàng-lı̂m siúⁿ-sù in-tián .
2. Che chheⁿ hián-bêng Kiù-chú kàng-seng ,
Tùi thiⁿ chhut-sı̀ tı̄ Pek-lı̄-hêng ;
Che chheⁿ êng-kng chiò kàu tang-hng ,
Phok-sū khoàⁿ-kı̀ⁿ khí-sin chhut mn̂g .
3. Kng chheⁿ chhoā in jip Chú ê chhù ,
Kiâⁿ-lé kūi-pài , hiàn mı̍h lóng ū ;
Thiⁿ-téng sèng-sài moá sim hoaⁿ-hí ,
Àm-chēⁿ chí-sı̄ kah in tńg khı̀ .
4. Lán lâng sim-ba̍k o͘-àm ná mê ,
Chhiáⁿ khoàⁿ hit lia̍p kiù-sè kng chheⁿ ;
Phín-hēng têng-seⁿ , kiâⁿ tı̄ kng-bêng ,
Ǹg I lâi kiâⁿ tit-kàu thian-téng .
5. Bí-sài-a chheⁿ in-hūi ke̍k toā ,
Pò lâng bat Chú chhin-kı̄n oá-loā ;
Lán tio̍h kèng-pài kám-siā gı̂m si ,
O-ló sèng-miâ kàu bān-bān nı̂ .
(Tâi-lâm Kàu-hoē-pò Tē 429 koàn, 1920 nı̂ 12 ge̍h)
