Lán chò-lâng tio̍h-ài khiam-pi
M̄-thang o-ló lán ka-kı̄
Siōng-tè hoaⁿ-hí ê kiáⁿ-jı̂
Chiah oē tiàm Chú ê sin-piⁿ
Chú ê kiù-un toā bô-pí
Kiù lán lêng-hûn m̄-bián sí
Lán tio̍h kám-siā lâi o-ló
M̄-thang ko͘-hū Chú kong-lô
Chú lâi sè-kan chiâⁿ-choè lâng
Thoa-boâ lô-khó͘ kap lán tâng
Bô lia̍h ka-kı̄ sı̄ kun-ông
Sūn-ho̍k Siōng-tè chin úi-tāi
Hō͘-lâng khoàⁿ-khin m̄ eng-kai
Chú ê siū khó͘ lán ài chai
Kiù-chú sūn-ho̍k tùi pē lâi
Lán tio̍h chai-choē kín hoé-kái
Chú beh sio̍k-hoê lán chiong-lâi
Sè-kan o͘-àm chin kiaⁿ-hiâⁿ
Lán tio̍h kéng-séng soè-jı̄ kiâⁿ
Tè Chú kha-pō͘ ài sı̀-chiàⁿ
Mô͘-kúi hiong-ok m̄-bián kiaⁿ
Siōng-tè chiàn-kah hō͘ lán chhēng
Chiū ū ióng-kám khı̀ chiàn-cheng
Tùi-te̍k beh lâi chin lı̄-hāi
Siōng-tè lāi-kiàm kah i thâi
Hō͘ I chai-choē lâi hoán-hoé
Ka-kı̄ khiam-pi lâi jı̄n choē
Siōng-tè hoaⁿ-hí siū chiok-hok
Chú beh chhoā lán chiūⁿ thian-kok
