Kiò chı̍t-siaⁿ Tâi-oân, sim-kam chêng-goān,
Sui-jiân thó͘-tē ū khah e̍h,
Sui-jiân le̍k-sú ū kâⁿ hoeh,
Goá iû-goân beh kiò chı̍t-siaⁿ Tâi-oân, sim-kam chêng iā goān.
Kiò chı̍t-siaⁿ Tâi-oân, bô-iû bô-oàn,
Sui-jiân chhut mn̂g bô kok-keh,
Sui-jiân jı̍p mn̂g toà sio-kheh,
Goá iû-goân beh kiò chı̍t-siaⁿ Tâi-oân, bô-iû iā bô-oàn.
Lō͘, bô lâng teh kiâⁿ,
Hō͘, kâⁿ hong ê siaⁿ,
Ko͘-toaⁿ lâng koè àm-tām soaⁿ-niá,
Siáⁿ lâng chai goán ê sim-chiâⁿ,
Lō͘, ta̍k-jı̍t teh kiâⁿ,
Oē, put-sı̂ teh thiaⁿ,
Ko͘-toaⁿ lâng iā ū ka-kı̄ ê iáⁿ,
Khéng-kiâⁿ, chá-bān oē chhut-miâ.
Jı̍t-thâu ta̍k-jı̍t chiò kng-bêng,
Chiò tı̄ goán ê thâu-khak téng,
Chhiⁿ-sı̂n ta̍k-àm chò kng-teng,
Koà tı̄ soaⁿ ê hit chı̍t-pêng,
Sui-jiân hong-hûn lân chhek,
Sui-jiân lō͘-tô͘ khâm-khia̍t,
Iû-goân tio̍h hiòng chêng,
Ū chhò-chiat, ū chhia-piàⁿ, chiah sı̄ hùn-tàu ê jı̂n-seng.
Kiò chı̍t-siaⁿ Tâi-oân, sim-kam chêng-goān,
Sui-jiân thó͘-tē ū khah e̍h,
Sui-jiân le̍k-sú ū kâⁿ hoeh,
Goá iû-goân beh kiò chı̍t-siaⁿ Tâi-oân, sim-kam chêng iā goān.
Kiò chı̍t-siaⁿ Tâi-oân, bô-iû bô-oàn,
Sui-jiân chhut mn̂g bô kok-keh,
Sui-jiân jı̍p mn̂g toà sio-kheh,
Goá iû-goân beh kiò chı̍t-siaⁿ Tâi-oân, bô-iû iā bô-oàn.
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
