Kiù-chú goá lâi chiū Lí
1. Goá choē ke̍k tāng boē thoat-lı̄ ,
Kiù-chú lâu-huih thoè goá sí ;
Chú un ke̍k chhim bô thang pí ,
Goá taⁿ hoaⁿ-hi lâi chiū Lí.
2.Só͘ hoān choē-koà moá-moá sı̄ ,
Ka-kı̄ bô lō͘ thang thoat-lı̄ ;
Chú oē sià-bián , soé chheng-khı̀,
Kiù-chú goá lâi chiū-kūn Lí.
3. Goá nā tú-tio̍h sim hoân-ló ,
Kiaⁿ-hiâⁿ , giâu-gı̂ boē siau-bô ;
Kiù-chú hit-sı̄ thang oá-khò ,
Cheng-sı̂n , goân-khi chiū ho̍k-tò.
4. Sè-kan ta̍k hāng só͘ ǹg-bāng ,
Kong-bêng hù-kùi lóng khang khang ;
M̄-ta̍t Kiù-chú toē thiàⁿ-thàng ,
Chin-lí, oa̍h-miā tùi thiⁿ kàng.
5. Goá ài siông-siông kiû-kiò Lí ,
Kiû chú pang-chān lâi chí-sı̄ ;
Ta̍k hāng tio̍h choè goá hoaⁿ-hí,
Kiù-chú goá lâi chiū-kūn Lí.
6.Sè-kan jı̍t-chí khoài kè-khı̀ ,
Kiû Chú ta̍k-sı̂ bô pang-lı̄ ;
Ǹg-bāng thiⁿ tang khiā-khí ,
Kiù-chú goá lâi chiū-kūn Lí .
(Tâi-oân Kàu-hoē-pò Tē 544 hō, 1930 nı̂ 7 ge̍h)
