1 Iâ-so͘ chin-chiàⁿ sí koh-oa̍h,
Thiⁿ-sài sè-jı̂n thoân khui-khoah,
Kám-siā gı̂m-si chhut toā-siaⁿ,
O-ló Kiù-chú toā chun-miâ.
2 Kiù-sè kong-lô taⁿ choè chiâⁿ,
Tùi-te̍k pâi tı̄n Chú thâi-iâⁿ,
Sio̍k-choē chı̍t-pái chiū chheng-chhó,
Iâ-so͘ m̄-sái koh siū-khó͘.
3 Hong chio̍h siat-peng, khang tio̍h-boâ,
Kı̀m Chú chhut bōng bô ta-oâ,
Iâ-so͘ koh-oa̍h bô koh-sí,
Mô͘-kúi kè-kiông gō͘ ka-kı̄.
4 Ki-tok ēng-sí kiù lêng-hûn,
Lán lâng khò i bián tı̂m-lûn,
Kiù-chú kong-phoà im-hú mn̂g,
Thoè lán khui-lō͘ kàu lo̍k-hn̂g.
5 Iâ-so͘ chiâⁿ-choè lán ê thâu,
Kiù-chú seng khı̀ lán ia̍h kàu,
Tâng-sí tâng-oa̍h tâng chiūⁿ-thiⁿ,
Êng-kng chun-kùi bān-bān nı̂.
