Paul Gerhardt chok
1. Chú ah, Lí ê jı̂n-ài bô pí!
Goá beh cháiⁿ-iūⁿ lâi chheng-chàn Lí?
Sui chhut toā siaⁿ, o-ló, gı̂m-si,
Iā sı̄ oh-tit hêng-iông, kóng-khí;
Thiaⁿ-kı̀ⁿ thian-kun só͘ chhiùⁿ ê si,
Sı̍t-chāi hó-thiaⁿ, sı̄m-jiân chhut-kı̂!
2. Êng-hoâ, hù-kùi, miâ-siaⁿ, toē-ūi,
Kiû Chú chān goá, bián siū liân-lūi;
Goá chhùi só͘ kóng, goá sim só͘ siūⁿ,
Goá ài o̍h Chú ê sèng bô͘-iūⁿ;
Chí-ū him-bō͘ Chú ê jı̂n-ài,
Éng-oán chhiong-moá tı̄ goá sim-lāi!
3. Ah, ah! Kiù-chú un-hūi ê kng!
Sı̍t-chāi kı̂-ı̄ⁿ, koh chin chiâu-chn̂g;
Kia̍h-ba̍k khoàⁿ Chú, êng-kng ê bı̄n,
Goá ê sim-sı̂n, chiū oāⁿ choè sin;
Bô koh siong-pi, bô koh hoân-ló,
Kiaⁿ-hiâⁿ, giâu-gı̂, iā lóng siau-bô.
4. Sui ū kan-lân, khó͘-thàng ê sı̂,
Ā-sı̄ ià-siān, iu-būn, sit-chı̀;
In-ūi Kiù-chú, jı̂n-ài pang-chān,
Goá chiū tit-tio̍h khùi-la̍t pêng-an:
Siàu-liām goá Chú, jı̂n-ài bô pí!
Thian-tông hok-khı̀, chin-chiàⁿ hoaⁿ-hí. （A-men!）
(Tâi-oân Kàu-hoē Kong-pò, Tē 800 kı̂, 1955 nı̂ 8 goe̍h)
