John S. B. Monsell
1. Khún-kiû jı̂n-ài ê Thiⁿ-pē,
Thiaⁿ goán o-ló, kám-siā;
Chiok-hok sin-hun ê hu-chhe,
Tı̄ Lí bı̄n-chêng teh khiā;
Hō͘ in chhēng súi ê i-hok,
Hián-chhut jı̂n-ài bô͘-iūⁿ;
Thang éng-oán ho̍k-sāi Ki-tok,
Êng-kng Chú tı̄ toē-chiūⁿ.
2. Sui ū pó-ge̍k ê tiâⁿ-hn̂g,
Nā bô jı̂n-ài lō͘ chúi;
Lâi lūn-te̍k tı̄ hit tiong-ng,
Kiám ū sím-mı̍h un-hūi?
Sui tiàm pi-bı̂ ê chhù-the̍h,
Ki-tok ê kng chiò--lâi;
Chiū tit khoài-lo̍k, bô khiàm-kheh,
Kám-siā Chú ê jı̂n-ài.
3. Khún-kiû jı̂n-ài ê Thiⁿ-pē,
Chiàu-kò͘ in kiâⁿ thiⁿ-lō͘;
Hō͘ in hoaⁿ-hí pē sı̍p-kè,
Saⁿ-thiàⁿ koh saⁿ hû-chō͘;
Pı̄-pān chiong-lâi tı̄ thiⁿ--nih,
Chiâu-chn̂g jı̂n-ài, pêng-an:
Thang jı̍p êng-kng ê chhù-the̍h,
Hióng-siū hok-khı̀ bô hān! A-men.
(Tâi-oân Kàu-hoē Kong-pò, Tē 812 kı̂, 1956 nı̂ 8 goe̍h)
