e̍k
Ū chı̂ⁿ oē-thang boé lâu-á-chhù, pia̍t-chong,
Chóng-sı̄ bô it-tēng boé oē-tio̍h hēng-hok ka-têng.
Ū chı̂ⁿ oē-thang boé phòng-chhn̂g,
Chóng-sı̄ bô it-tēng tit oē-tio̍h an-jiân lo̍h-bı̂n.
Ū chı̂ⁿ oē-thang boé tio̍h sı̂-cheng,
Chóng-sı̄ boē tàng boé tio̍h sı̂-kan.
Ū chı̂ⁿ oē-thang boé tio̍h chheh,
Chóng-sı̄ boē tàng boé tio̍h tı̀-sek.
Ō͘-kim oē-thang boé tio̍h koaⁿ-ūi,
Chóng-sı̄ boē tàng boé tio̍h lâng ê chun-kèng.
Ū chı̂ⁿ oē-thang boé tio̍h i-io̍h,
Chóng-sı̄ boē tàng boé tio̍h sı̀ⁿ-miā.
Ū chı̂ⁿ oē-thang boé tio̍h bí lú-chú,
Chóng-sı̄ boē tàng boé tio̍h ài-chêng.
Kim-chı̂ⁿ m̄-sı̄ it-chhè,
che sı̄ chin chheng-chhó ê tāi-chı̀;
Sı̄m-chı̀ kim-chı̂ⁿ sı̄ thòng-khó͘ ê lâi-goân.
In-ūi lí sı̄ goá ê pêng-iú,
Só͘-í goá pò lí chai.
Goá sı̄ lí ê pêng-iú.
Ia̍h in-ūi án-ni, goá beh tháu-pàng lí ê thòng-khó͘.
Lí ê kim-chı̂ⁿ thang lóng hō͘ goá,
Goá lâi thoè lí siū-khó͘.
(Tâi-oân-jı̄ cha̍p-chı̀ tē 6 kı̂, 2001 nı̂ 3 ge̍h)
