Âng chhâ-mn̂g koaiⁿ-bā,
Chhin-chhiūⁿ kiàm-hoe,
Siám-sih ia̍t-koè lêng-tn̂g,
Gı̂n-choá-hu iāⁿ-iāⁿ-poe, tı̄ i kha-ē.
Thiah-lı̍h chho͘-moâ-saⁿ,
Chı̍t-phō͘ o͘-kim ê chúi-chhiûⁿ chhiong--lo̍h-khı̀.
Tı̍t-kàu iù-pe̍h ê kha-chiah.
In kiám tio̍h tè pe̍h-thâu-mn̂g,
Éng-kiú hiat-lo̍h im-hú?
Á-sı̄ só tı̄ nı̂-ko͘-an--nih,
Kù-chāi hông-hun ê bo̍k-hı̂,
Chı̍t-ki chı̍t-ki, kā in khah--khı̀?
Tú-tn̄g khàu-âng ê ba̍k-chiu,
Tāng-tāng ê thô-á-sek iáu lâu tı̄ ba̍k-kı̂ⁿ,
Sı̄ tng sı̂-kiâⁿ ê hoà-chng ah?
Lóng-sı̄ poaⁿ-hı̀ koè-thâu téng-chin,
Liân nâ-âu iā háu kàu sau-siaⁿ.
Lóng mā hit-ê ----- lāu-kâu,
Liam-kha liam-chhiú, Ǹg-jı̍p pâng-keng,
Chhun cha̍p-ki khiau-khiau ê chńg-thâu-á,
Boē-su jiû-hı̂,
Tı̂ⁿ-ân i tn̂g-tn̂g ê o͘ thâu-chang, chhut-la̍t chhoah--khı̀.
Po̍h-pán bô huih-sek ê chhùi-tûn gı̍h-gı̍h-chùn,
Hoat-chhut bô siaⁿ ê chiù-chó͘.
Taⁿ hoat-lo̍h i ----- cháu lah,
Sui-bóng m̄-chêng m̄-goān, tı̀ chı̍t-téng ----- le̍k-bō.
Siūⁿ kàu chia ----- chiū am-chhùi bi-bi-á chhiò.
Chı̍t-koàn ho̍k-hó͘ lo̍k-piⁿ-oân,
Phiàn kóng tùi io̍h-pâng bé--tò-lâi-ê,
Nn̄g-saⁿ-ē chhiú chiū hō͘ i hó-sè.
Siáⁿ-lâng liāu-sióng oē kàu?
Ē-hng-àm, thiau-kang tı̄ i ê lêng-chêng,
Chiong sin-niû-saⁿ hiah-pe̍h ê hà-saⁿ,
Chı̍t-têng chı̍t-têng,
Peh chhang-thâu án-ni pak-khui,
Thang hō͘ che bô-oē bô-kù ê chèng-hun-jı̂n,
Kim-kim siòng in
Tı̄ chhio̍h-á-téng kō-kō-lı̀n, phı̍hⁿ-phı̍hⁿ-chhoán,
I kap lēng-goā chı̍t-ê
I.
E-khui choá-thang,
Goe̍h-sek poâⁿ-koè chhiûⁿ-ûi.
I kia̍h-ba̍k khoàⁿ-thiⁿ.
“Goá khak-sı̍t ----- sı̄ bı̄-bông-jı̂n ah!”
