Ko͘-toaⁿ sı̄ goe̍h-niû Chiò tı̄ ko͘-toaⁿ ê siâⁿ Siâⁿ-lāi ko͘-toaⁿ ê ông Tiām-chēng ê lō͘ siōng
Ko͘-toaⁿ ê siâⁿ Ko͘-toaⁿ ê ông Bô chiòng bô peng Chhian-nı̂ bān-nı̂ koè--khı̀ Iû-goân sı̄ Bóng-bóng ê chhian-nı̂ bāng-nı̂
Ko͘-toaⁿ ê ông Kiâⁿ ko͘-toaⁿ ê lō͘ Ko͘ -toaⁿ ê lō͘ siōng Khoàⁿ bô lâng-iáⁿ Thiaⁿ bô lâng-siaⁿ
Khin-khin ê hong Chhiⁿ-chhiⁿ ê chhiū-châng Hoe..khui hoe..siā Chiáu-siaⁿ phoāⁿ tio̍h bı̂n-bāng
Ko͘-toaⁿ ê ông Khoàⁿ chhian bān nı̂ ê chheh lāi-té Thóng-tı̄-chiá ı̀-ài ê sèng-jı̂n Lūn chhian-nı̂ bān-nı̂ ê chèng-tı̄ Thiaⁿ chhian-nı̂ bān-nı̂ ê hong-hō͘ Kóng chhian-nı̂ bān-nı̂ ê khó-chhı̀ Khoàⁿ chhian-nı̂ bān-nı̂ ê kho-ki Siá chhian-nı̂ bān-nı̂ ê sú-phiⁿ Gı̂m-chhiòⁿ chhian-nı̂ bān-nı̂ ê si
Ko͘-toaⁿ ê ông Tı̄ ko͘-toaⁿ ê siâⁿ lāi Khoàⁿ chhian-nı̂ ê kho-kí Khoàⁿ lâng leh chò hông-tè Saⁿ-cha̍p-la̍k-kiong chhit-cha̍p-jı̄-ı̄ⁿ Sèng-jı̂n siu-sin ióng-sèng ê tō-lí Khoàⁿ jı̂n-kan ê kian-chhı̂ Sam-chhùn-kim-liân ê bí-jı̂n Chı̍t-phō chiū-sı̄ chı̍t-chheng-nı̂
Ko͘-toaⁿ ê ông Bô ông-hui bô thài-kàm Bô lô͘-châi bô sèng-chí Bô chiòng bô peng bô bú-khı̀ Bô lâng hiòng i hoah kóng Ngó͘-hông bān-soè bān-bān-soè Chí-ū léng-léng ê hong Chhoe bô chhiôⁿ bô piah ê siâⁿ Chhe-léng ê ko͘-goe̍h Chiò bô kang-san ê thó͘ -tē
Ko͘-toaⁿ ê ông Koân-koân ê soaⁿ Khoàⁿ koân-koân ê hûn Chı̍t-lúi chı̍t-lúi Poe hiòng chhian-bān-nı̂ ê kò͘-hiong
