Goán ê chng-kha só͘-chāi
Chhù-bı̄ moá-moá sı̄
Ko-á kin-chio pò lâng chai
Goán-tau ê hoaⁿ-hí
Kó͘-chá ê jı̂n-chêng-bı̄
Ko-á kin-chio
Kó͘-chá ê ı̀-sù
Siān-nâ-á koāⁿ-leh sı̀-kè hēng
Pêng-iú chhin-tông lóng-chóng ū
Chhù-piⁿ thâu-boé ta̍k-ke hó
Goán-kiáⁿ tit-beh chhoā sin-pū
Bah-piáⁿ ı̂ⁿ-ı̂ⁿ
Tāu-se go͘ⁿ-jı̂n
Pò chhin-tông chhù-piⁿ
Ta̍k-ke hoaⁿ-hí thiaⁿ
Goán beh kè cha-bó͘-kiáⁿ
Kiong-hí kiong-hí
Âng-nn̄g moá-goe̍h-ı̂ⁿ
Sàng lán chhin-tông kap chhù-piⁿ
Iû-pn̄g phang-phang
Jiû-hı̂ hioⁿ-ko͘ chu̍t-bí
Chhiò-hi-hi
Chhiò-hi-hi
Nńg-nng ke-nn̄g-ko
Âng-ku moá-goe̍h ı̂ⁿ
Āu-thâu koán hó-hó
Ta-ke-koaⁿ chhiò-bi-bi
Hēng hō͘ chhin-tông kap chhù-piⁿ
Sı̀-goe̍h thô
Goā-má chò
Hēng hō͘ chhin-tông kap chhù-piⁿ
Goán cha-bó͘-kiáⁿ hioh-joa̍h
Phō sun tńg-lâi chhit-thô
