Koh siūⁿ-khí Bí-lē-tó Sū-kiāⁿ

 Tùi lí lâu-huih ê khang-chhùi 
  Chiah chai ka-kı̄ sio̍k lí, Tâi-oân, 
  Tiām-tiām tó--teh, tı̄ goá kha-ē 16 nı̂. 
 1979, hân-liû kàu ê sı̂, 
  Thó͘-toē koh chhui-chūn, 
  Toā-thiàⁿ piàn-thoân goá choân-sin, 
  Sim-lāi toā kau-chiàn: 
  Thiⁿ-toē chóng lı̍h, 
  Kū ê tiān toā-thiāu at-chı̍h, chhù-piah pit-chhùi. 
 Tùi hit-tia̍p khí, 
  Goá têng-thâu khí sin ê chhù. 
  Khǹg toē-ki, 
  Ēng lí ê bah kap huih, 
  Bô koh oa̍t-thâu khoàⁿ. 
 (Tâi-bûn-thong-sı̀n tē 63 kı̂, 1999 nı̂ 4 goe̍h)