Kong-hn̂g lāi-té chı̍t-kak

 N̂g--khı̀ a ta--khı̀ a 
  Chı̍t-phı̀ⁿ chı̍t-phı̀ⁿ 
  Lo̍h tı̄ thô͘-kha 
 Lâi-lâi-khı̀-khı̀ 
  Ū-siaⁿ bô siaⁿ 
  Lóng-sı̄ sèⁿ-miā 
 Koán lí beh khoàⁿ m̄ khoàⁿ 
  Bô lâng tui-su 
  Bô lâng gı̂m-si 
 Bián chhiáⁿ tō-sū 
  Bián khoàⁿ hong-súi 
  Sio--khı̀ noā--khı̀ 
 Chài lâi sı̄ 
  Iû-chāi lí 
  Au-au chò-pûi 
 Koán lâng kóng seⁿ kóng sí 
  Puh sin-íⁿ hoat sin-ki 
  Hong sı̄ goán éng-oán ê ti-kí 
 Iû-goân chı̍t-hio̍h chı̍t-hio̍h 
  Chhiⁿ-chhiⁿ 
  Kā goán iô..a iô