1 Goá choē ke̍k tāng, boē tit the-sı̂,
Chiàu thiⁿ lu̍t-hoat éng-oán tio̍h sí;
Chai bô hoat-tō͘ thang kiù ka-kı̄,
Iâ-so͘ goá lâi chiū lí.
2 Goá choē ke̍k tāng, moá sim kiaⁿ-lâng,
Ka-kı̄ lâi soé, thoa boâ khang-khang;
Chú lâu pó-huih soé lán chheng-khı̀,
Iâ-so͘ goá lâi chiū lí.
3 Goá choē ke̍k tāng, sim-lāi phoà-pı̄ⁿ,
Chhin-chhiūⁿ thái-ko piàn-sūi chhiⁿ-mı̂;
Lêng-hûn pı̄ⁿ-chèng Chú oē i-tı̄,
Iâ-so͘ goá lâi chiū lí.
4 Goá choē ke̍k tāng, pún sio̍k Sat-tàn,
Choè i lô͘-po̍k sı̄m-sı̄ khó͘-lān,
Chú oē kiù goá, hō͘ goá thoat-lı̄,
Iâ-so͘ goá lâi chiū lí.
5 Goá choē ke̍k tāng, Chú un ke̍k toā,
Chiap-la̍p choē-jı̂n, sià lán chē-koà;
Thiaⁿ Chú bēng-lēng tio̍h sı̀n bô gı̂,
Iâ-so͘ goá lâi chiū lí.
6 Goá choē ke̍k tāng, Chú un ke̍k chhim,
Siúⁿ-sù Sèng-sı̂n kám-hoà goá sim;
Chêng-goān kui Chú bô koh saⁿ-lı̄,
Iâ-so͘ goá lâi chiū lí.
