Chı̀n-hêng-khek í-keng thêng-chí
Só͘-ū ê úi-tāi chı̀m tı̄ io̍h-chúi
Toā-phàu bē koh chhut-siaⁿ
Chiàn-chhia piàn-chò pháiⁿ-tâng-kū-siah
Hui-ki sı̄ tián-lám ê kó͘-tóng
Eng-hiông hō͘ thô͘-soa éng-oán bâi-chòng
Sit-khı̀ kò͘-hiong ê lāu-peng
Í-keng chhit-cha̍p goā
Khoàⁿ sèⁿ-miā hō͘ chiàn-tiôⁿ thun-chia̍h
Thiaⁿ sı̂n-sèng ê kháu-hō
Lâu tı̄ hong-san-khòng-iá
Í léng-léng ê hong-siaⁿ
Khoàⁿ chí-māi sió-tı̄ toā-hiaⁿ
Soàⁿ tı̄ tang sai lâm pak
Sûi-lâng koè tio̍h an-tēng ê siⁿ-oa̍h
Sit-khı̀ kò͘-hiong ê lāu-peng
Khiā tı̄ hông-hun ê mn̂g-goā
Khoàⁿ chı̍t-phiàn bâng-bâng khang-khang
I chhoē bô le̍k-sú ê hong-hiòng
Chí-ū ta̍k-jı̍t chı̄n-tiong
Hông-siú choè-āu ê thêng-chhia-tiôⁿ
Chı̍t-keng thih-chhù
Chı̍t-liâu í-á
Kúi-chiah liû-lōng-káu
Koè-tio̍h thài-pêng ê siⁿ-oa̍h
