Tio̍h án-ni koah-lı̄:
Siōng-tè bı̄n-chêng sèng-kiat ê iok
Taⁿ phah-chhùi, tı̄ lí goá chhiú-thâu.
Bô koh chheng-ho͘ tùi-hong
Sı̄ ka-kı̄ kut-tiong ê kut, bah-tiong ê bah.
Chı̍t-sı̀-lâng ê bêng-sè,
Boē kham-tit saⁿ-chheng-jı̍t kú:
Chı̍t-pah-jı̍t ê hô-pêng,
Chı̍t-chheng-jı̍t ê chiàn-cheng,
Chheng-pah-jı̍t ê léng-tām.
Taⁿ it-chı̄n chhat-siau, kan-ta
Pı̂n chı̍t-tiuⁿ húi-iok ê iok.
Sı̀ⁿ-miā-tiong ê toā hong-thai koè--khı̀.
Poa̍h-tó ê thiàⁿ, sı̂-khek chhak-tio̍h goá:
Án-choáⁿ khiā--khí-lâi, tı̄ sit-pāi tiong
O̍h-tio̍h goân-liōng pa̍t-lâng,
Sêng-jı̄m ka-kı̄ bô oân-choân.
(Tâi-bûn-thong-sı̀n tē 58 kı̂, 1998 nı̂ 11 goe̍h)
