Lō͘-teng

 Goán-hiong ê àm-mı̂ 
  Chı̍t ê chng-thâu 
  Chı̍t ê chng-thâu 
  Chı̍t-pha chı̍t-pha ê lō͘-teng 
  Chı̍t-pha chı̍t-pha ê lō͘-teng 
 Goán-hiong ê àm-mı̂ 
  Goe̍h-niû chheng-chheng 
  Tiām-tiām ê ke-hāng 
  Chı̍t ê lō͘-thâu 
  Chı̍t-pha lō͘-teng 
 Thiⁿ-chhiⁿ chò-phoāⁿ 
  Goe̍h-niû sio-khoàⁿ 
  Tiām-tiām ê lō͘-teng kha 
  Chho͘-it kàu chho͘-saⁿ 
  Chho͘-saⁿ kàu ko-saⁿ 
  Ka-kı̄ chı̍t-ê 
  Chit-thâu kiâⁿ kàu hit-thâu 
  Hit-thâu kiâⁿ kàu chit-thâu 
 Lō͘-teng chiò goá 
  Lō͘-teng chiò chheh 
  Khoàⁿ chı̍t kù 
  Poē chı̍t toāⁿ 
  Chit-thâu kiâⁿ kàu hit-thâu 
  Hit-thâu kiâⁿ kàu chit-thâu 
  Chheh chı̍t-pún oāⁿ chı̍t-pún 
  Chhù-lāi kiâⁿ kàu chhù-goā 
 Tı̄ a-pa hioh-khùn ê sı̂ 
  Tı̄ a-bó khoán-tang khoán-sai ê sı̂ 
  Chhù-piⁿ thâu-boé lóng leh khùn ê sı̂ 
  Thiⁿ-chhiⁿ chò-phoāⁿ 
  Goe̍h-niû sio-khoàⁿ 
  Chit-thâu kiâⁿ kàu hit-thâu 
  Hit-thâu kiâⁿ kàu chit-thâu 
 Lō͘-teng chiò goá 
  Lō͘-teng chiò chheh 
  Tı̄ goán-hiong tiām-tiām ê àm-mı̂