Lı̄-khui to͘-chhı̄ ê soan-hoa,
Oa̍t-koè chng-kha ê chhân-hoāⁿ,
Chhiⁿ-chhùi ê soaⁿ-niá,
Chiām-chiām teh kūn-oá, chiām-chiām teh kūn-oá.
Hô-hong
Toà-lâi goân-sí ê phang-bı̄,
Chı̍t-chūn chı̍t-chūn tiⁿ.
Chhiū-nâ
Thoân-lâi chiáu-chiah ê kiò-siaⁿ,
Siaⁿ-siaⁿ chhui goán kiâⁿ.
Kiâⁿ-chhut chêng-io̍k ê sè-kài,
Kiâⁿ-jı̍p chhòng-chō ê chû-hoâi,
Le̍k-sek ê ho͘-hoàn;
Chio lí khı̀ bong thiⁿ-téng ê hûn-chhái.
(Tâi-oân Kàu-hoē Kong-pò tē 2113 kı̂, 1992 nı̂, 8 goe̍h)
(Gân Sı̀n-seng Tâi-gí Bûn-ha̍k soán, 2002 nı̂ Chin-pêng Khı̀-gia̍p Chhut-pán)
