1 Lu̍t-hoat tiâu-kài thâu-chı̍t-ê,
Kà lâng kèng-ài Hông Siōng-tè,
Chı̄n sim chı̄n la̍t khı̀ ho̍k-sāi,
Bô sı̂ bô khek m̄ kèng-pài.
2 Thó͘-khùi chèng lâng to͘ hô͘-tô͘,
M̄ chai kèng sı̂n chin hoat-tō͘,
Pian-chō ngó͘-siōng lâi ho̍k-sāi,
Tek-choē Siōng-tè siū chai-hāi.
3 Tē jı̄ hoat-kài kà lâng kiâⁿ,
Tiong-kok goā pang tio̍h saⁿ-thiàⁿ,
Ka-kı̄ m̄ ài bo̍h hō͘ lâng,
Thé-thiap i sim kap goá tâng.
4 Khó-sioh jı̂n-chêng ke̍k khek-po̍k,
Sim-koaⁿ siông siūⁿ choè ok-to̍k,
Lı̄-ek pún-sin hāi pa̍t lâng,
Hun-hô m̄ khéng saⁿ thiàⁿ-thàng
5 Chı̀ chun Siōng-tè chún kı̂-tó,
Kám-hoà goá sim pháiⁿ pı̀ⁿ hó,
Hō͘ goá ho̍k-sāi chin Siōng-tè,
Kiam thiàⁿ sè-kan chèng tāi-ke.
