Koh-chài siá, koh-chài siá, koh-chài siá,
Siá kui-tha̍h ê si kiám ūi-tio̍h sio gı̂n-choá?
Chhin-chhiūⁿ thoat-khah ê siâm-thâng-á,
Tio̍h-kip kā N̄g siⁿ-thoàⁿ.
Pún-sèng á-sı̄ chı̍t-tiám kut-khı̀,
Hō͘ goá thun-lún ko͘-toaⁿ kàu-taⁿ?
Bô-tè hoat-piáu,
Bô thiaⁿ-tio̍h pho̍k-á-siaⁿ,
Iû-goân kian-chhı̂:
Siá--lo̍h-khı̀, siá--lo̍h-khı̀, siá--lo̍h-khı̀,
Chı̍t-choā chı̍t-choā lóng sı̄ phùn ê huih,
Chı̍t-phiⁿ chı̍t-phiⁿ lóng sı̄ goá ê kiáⁿ,
Tı̍t-kàu lêng-kám ê hoé kā goá sio-hoa,
Tı̄ hoat-kông ê pian-kài,
Goá chheng-chhíⁿ khoàⁿ-kı̀ⁿ:
Jı̍t-kng chhàn-lān ê thiⁿ-siâⁿ,
Hiòng-jı̍t-kûi khui-moá soaⁿ-iá.
