1. Jı̂n-siū I-seng Se-kok lâng,
Siū Chú kéng-tiàu kàu goā-pang;
Khoàⁿ tio̍h nāi-chiá chin khó͘-thàng,
Ēng io̍h i-tı̄ put-hēng lâng.
2. Jı̂n-siū tông-chêng nāi-pı̄ⁿ lâng,
Jı̍t iā lô-khó͘ cháu se tang;
Khoàⁿ ū só͘ chāi khah ún-tàng,
Khí-chhù lâi siu chit khoán lâng.
3. Hit-sı̂ I-seng ū phah-sǹg,
Phun-cháu choân Tó kok toē-hng,
Tú-tio̍h Chúi-lêng lâi saⁿ-tn̄g,
Koat-tēng só͘-chāi Pat-lí-chng.
4. Chhân, soaⁿ kè-kiōng jı̄-la̍k kah,
Kau-sia̍p teng-kı̀ Chúi-lêng taⁿ;
Tê iân I-seng khah ū phā,
Bō͘ chı̍p kı̀-hù gâu pha sa.
5. Pı̄ⁿ-sek tú-hó jı̄-cha̍p keng,
Iú-chı̀ jı̂n-jı̂n tàu chàn-sêng;
Kı̀-hù ê lâng hó tek-hēng,
Chiok in ka hô bān sū sêng.
6. Īⁿ-lāi siat-pı̄ chin hó-sè,
Ta̍k keng tú-hó toà sı̀ ê;
Í-á chı̍t lâng chē chı̍t tè,
Iā ū tê-au thang chia̍h tê.
7. Phok-sū chiū-sı̄ tō-tek i,
Kiù nāi sū-gia̍p bô thàn chı̂ⁿ；
Chhian sin bān khó͘ ūi tō-lí,
Khek-kí lı̄ thaⁿ chin chû-pi.
8. Pang-chān I-seng sı̄ I-seng-niû,
Hu-chhe tông-ı̀ gâu jím-siū;
Bô hiâm nāi-chiá lah-sap-siùⁿ,
Khut chāi chhim-san put chū-iû.
9. Choán gán kè liáu cha̍p-gō͘ nı̂,
Sı̂n-biāu ò-pı̀ jı̂n put-ti;
Pı̄ⁿ-ı̄ⁿ éng chûn Chú chí-ı̀,
Chu-ūi sian-siⁿ gâu ı̂-chhı̂.
10. Goán choè hoān-chiá chı̄n pún-hūn,
Jı̍t-jı̍t siàu-liām Pē toā-un;
Bô chāi siā-hoē pàng soè-khún,
Ǹg-bāng nāi-pı̄ⁿ oē tn̄g-kun.
(Tâi-oân Kàu-hoē Kong-pò, Tē 725, 728 kı̂, 1949 nı̂ 5, 8 goe̍h)
