1 Lán lâng tiàm toē-bı̄n-chiūⁿ,
Tio̍h o̍h thin-sài ê iūⁿ,
Hoaⁿ-hí chheng-ho͘ Kiù-chú Iâ-so͘,
Chiong sin ê koa lâi chhiùⁿ.
2 Hok-khı̀ koân-lêng hù-kùi,
Éng kap iâ-so͘ saⁿ-sûi,
Kong-lô chiâu-chn̂g ke̍k-toā êng-kng,
Chē tı̄ ke̍k-koâiⁿ chō-ūi.
3 Chheng-chheng bān-bān thiⁿ-sài,
Tâng sim chı̍t-ı̀ kèng-pài,
In-ūi Iâ-so͘ thoè lâng siū-khó͘,
Thian-sı̂n lóng-chóng ho̍k-sāi.
4 Chèng-lâng eng-kai hô-hó,
Jia̍t-sim, toā-siaⁿ o-ló,
Iâ-so͘ kiù lán tam-tng chai-lān,
I sí chhin-chhiūⁿ iûⁿ-ko.
5 Kiù-chú Iâ-so͘ koh-oa̍h,
Tit-tio̍h siúⁿ-sù ke̍k-toā,
Ché toā hok-khı̀ Iâ-so͘ siá-sı̀,
Hō͘ lán hióng-siū bô-soah.
6 Iâ-so͘ ke̍k-toā kong-lô,
Chèng-lâng lóng-thang oá-khò,
Chiū kap thiⁿ-sài hoaⁿ-hí ho̍k-sāi,
Lâi kèng Kiù-chú Iâ-so͘.
