Cī siŏh-hiĕk gó muôi gáu-dó̤i
- Siat-sú tùi tōe kàu ge̍h ū hé-hun-chhia ê lō͘, iā hé-hun-chhia, chi̍t-tiám-cheng kú kiâⁿ 160 lí, tio̍h kiâⁿ nn̄g-pah-ji̍t chiah ōe kàu, chīu ge̍h lī tōe kúi-lí? Tek 76800.
- Siat-sú tōa-chhèng ê chi̍t-lia̍p-chí, chi̍t-biáu-kú ōe kiâⁿ chi̍t-lí, chīu kiâⁿ liân-liân 9 ji̍t kú ōe kàu-ge̍h, iā kiâⁿ 10 nî chiah ōe kàu ji̍t-thâu: taⁿ sǹg chi̍t-nî 365 ji̍t chīu ge̍h lī tōe kúi-lí? Koh ji̍t lī tōe kúi-lí? Tek 777600; 315360000.
- Siat-sú kng, chit-biáu-kú ōe kiâⁿ 620130 lí, iā kng tùi ji̍t kàu tōe tio̍h kiâⁿ 8 hun koh 13 biáu, (lóng-tsóng 493 biáu) chiah ōe kàu; chīu ji̍t lī tōe kúi-lí? Tek 305724090.
- Siat-sú tùi siōng-kūn ê chhiⁿ, kng tio̍h kiâⁿ sì-nî kú chiah ōe kàu-tōe, chīu siōng-kūn ê chhiⁿ lī tōe jōa-hn̄g? 78225678720000 lí.
- Bó͘-lâng ū la̍k-kho͘-gûn, chi̍t-kho͘ ōaⁿ-tit 1146 chîⁿ; chiong chîⁿ khì bóe 4 tè kau-í, chi̍t-tè 560 chîⁿ; nn̄g-tè-toh, chi̍t-tè 1455 chîⁿ; chián-pò͘ 17 chhioh, chit-chhioh 73 chîⁿ: taⁿ mn̄g, chîⁿ iáu-chhun jōa-tsōe? Tek 485.
- Bó͘-lâng hē thn̂g 6761 tàⁿ, tsài khì Soaⁿ-tang hoat-bōe; chi̍t tàⁿ 3 kho͘ pún. Kàu-káng chīu 860 tàⁿ, bōe 4 kho͘, iáu-ê bōe 5 kho͘: taⁿ mn̄g, lóng-kiōng thàn kúi-kho͘? Tek 12662.
- Bó͘-lâng beh tù-chheh, chi̍t-pún 252 ia̍h, chit-ia̍h 18 tsōa, chit-tsōa, chit-tsōa 19 jī; chīu khì kap ìn-pán-tiàm siong-liông, khek-pán chit-jī tio̍h nn̄g-ê-îⁿ, khek-liáu, chheh-sin, pò͘-phê, ìn-kang, kap-kang, múi-pún tio̍h 232 chîⁿ: taⁿ mn̄g, 8000 pún só͘-hùi lóng-kiōng tio̍h jōa-tsōe? 2028368 chîⁿ.
- Bó͘-lâng khiàm-chè 583 kho͘ bô gûn thang hêng; nā-sī ū saⁿ-chiah bè, múi-chiah ta̍t-tit 75 kho͘, la̍k-chiah-gû, múi-chiah ta̍t-tit 18 kho͘, jī-tsa̍p-it chiah ti, múi-chiah ta̍t-tit 3 kho͘, saⁿ-tsa̍p-la̍k chiah iûⁿ, múi-chiah ta̍t-tit 2 kho͘: chīu chiong chiah-ê chêng-siⁿ lâi kó͘-hêng, iáu-khiàm kúi-kho͘? Tek 115.
PUN-HOAT
Pun-hoat iā thang kiò-tsòe Tû-hoat.
Pun-hoat kap Kiám-hoat siāng-lūi, hoat-tō͘ kap sêng-hoat saⁿ-tùi-hoán. Kiám-chhái chi̍t-tiâu-siàu ài pun tsòe kúi-nā tiâu, kiám-hoat hùi-khì, pun-hoat khah kín-khoài.
