Cī siŏh-hiĕk gó muôi gáu-dó̤i
Siat-sú ēng 5 tsòe hoat lâi-pun 43215 ê si̍t-siàu. Só͘ tit-tio̍h ê siàu chīu-sī 8643. Ēng hoat-siàu, 5, lâi sêng-i chīu koh tit-tio̍h 43215. Khó-kiàn, pun, bô m̄-tio̍h.
Chiah ê siàu ha̍k-seng tio̍h sǹg, iā tio̍h chhut-pîn-kù pun bô m̄-tio̍h.
- 6482 ÷ 2; 39066 ÷ 3; 48840008 ÷ 4.
- 1234 ÷ 2; 690468 ÷ 3; 241512 ÷ 4.
- 4338270 ÷ 5; 6487404 ÷ 6; 393491 ÷ 7.
- 690200 ÷ 8; 123456789 ÷ 9; 987654321 ÷ 9.
- Saⁿ-lâng thàn chi̍t-kho͘-gûn, khì-ōaⁿ chīu tit-tio̍h 1140 chîⁿ thang pun. Ta̍k lâng tit-tio̍h jōa-tsōe? 380 chîⁿ.
- Si-khek chi̍t-tiám-cheng, chīu 52 khek kúi tiám-cheng? Tek 13.
- Gō͘-lâng beh pun saⁿ-kho͘, chi̍t-kho͘ ōaⁿ-tit 1135 chîⁿ, chīu ta̍k-lâng tit-tio̍h jōa-tsōe? 681 chîⁿ.
- La̍k lâng saⁿ-kap tsòe-kang thàn 3030 chîⁿ; ta̍k-lâng tio̍h pun jōa-tsōe? 505 chîⁿ.
- Chhit-lâng saⁿ-kap kò͘-tsûn beh khì bó͘ só͘-tsāi; tsûn-sè 3290 chîⁿ, ta̍k-lâng tio̍h chhut jōa-tsōe? 470 chîⁿ.
- Poeh-ge̍h-ji̍t-kú ê chhù-sè 4560 chîⁿ, chīu chit-ge̍h-ji̍t jōa-tsōe? 570 chîⁿ.
- Lâng beh khì bó͘ só͘-tsāi 783 lí hn̄g, kiâⁿ 9 ji̍t chiah ōe kàu: ta̍k-ji̍t tio̍h kiâⁿ kúi-lí? Tek 87.
- Ēng 8280 chîⁿ bóe poeh-pau chheh, múi-pau káu-pún, chīu chit-pún jōa-tsōe chîⁿ? Tek 115.
- Chit-keng chhù ū 8 keng pâng, ta̍k-keng-pâng ū saⁿ-hù-thang, ta̍k-hù-thang ū nn̄g-sìⁿ-mn̂g ta̍k-sìⁿ ū 5 phìⁿ po-lê pîⁿ-pîⁿ tōa; sai-hū bau̍h ji̍p-po-lê lóng-kiōng tio̍h 20400 chîⁿ: taⁿ mn̄g, chi̍t-phìⁿ po-lê jōa-tsōe chîⁿ? Tek 85.
Siat-sú hoat siàu ū kúi-nā ūi, si̍t kap hoat í-keng pâi-lia̍t hó, m̄-sái u̍ih-hûn tī ē-tóe, tio̍h phoat chi̍t phoat tī iū-pêng.
Khòaⁿ si̍t ê tsó-pêng tio̍h tàu kúi-ūi, chiah ū kàu thang hō͘ hoat pun, chí kúi-ūi tio̍h hun-piat tsòe thâu-chi̍t-ê sin ê si̍t, sīuⁿ ōe chiok hoat ê siàu kúi-pē, kì tī iū-pêng phoat-gōa tsòe tek-siàu, kap hoat lâi saⁿ-sêng, siá tī thâu-chi̍t-ê sin ê si̍t ê ē-tóe, u̍ih-hûn keh-kài lâi kiám, só͘ chhun-ê siá tī hûn-ē.
