Page:Pit Sòan Ê Chho͘ Ha̍k.djvu/35

Chîⁿ錢 chīu-sī就是 niú兩 ê个 tsa̍p-hūn十份, hun分 chīu-sī就是 niú兩 ê个 pah-hūn百份, lî釐 chīu就 sī是 niú兩 ê个 chheng-hūn千份, só͘-í所以 thang通 lóng-tsóng攏總 sio̍k niú-siaⁿ lâi來 kì記, tsòe做 6 niú兩 koh閣 niú兩 ê个 sió-sò͘小數 ・484. Niú兩, tsa̍p-hūn十份 ê个 sì-hūn, chīu-sī就是 4 chîⁿ錢; niú兩 pah-hūn百份 ê个 poeh-hūn chīu-sī就是 8 hun分 ûn-ûn勻勻, chīu就 khòaⁿ看 chit-ho͘ siàu數 thang通 tha̍k讀: la̍k-niú, sì-chîⁿ, poeh-hun-sì.

Niú兩

6・484

Siat-sú設使 ū有 piⁿ-thâu邊頭 só͘所 kì-tsài記載 ê个 gûn-siàu, thang通 tha̍k-i tsòe做 sì-kho͘, saⁿ-kak, nn̄g-chiam-pòaⁿ; in-ūi因為 3 chīu-sī就是 chi̍t-kho͘ tsa̍p-hūn十份 ê个 saⁿ-hūn = 3 kak角, 2 chīu-sī就是 chi̍t-kho͘ pah-hūn百份 ê个 nn̄g-hūn = 2 chiam. 5 chīu-sī就是 chi̍t-kho͘ chheng-hūn千份 ê个 gō͘-hūn = 5 tiám點 = pòaⁿ-chiam, in-ūi因為 tsòe做 chi̍t-chiam tsa̍p-hūn十份 ê个 gō͘-hūn.

Kho͘箍

4・325

Koh閣 piⁿ-thâu邊頭 ê个 siàu數 iā也 thang通 tha̍k讀 tsòe做, poeh-táu saⁿ-chin, nn̄g-lap, in-ūi因為 10 kap佮 1 chin升, 10 chin升 1 táu斗.

Táu斗

8・32

Kiám-chhái檢彩 beh欲 hòa-siàu化數 hō͘-i sio̍k pa̍t-ê gia̍h-siaⁿ額聲, phì-lūn譬論 niú兩 beh欲 chiat chîⁿ-siaⁿ; chhin-chhīuⁿ親像 án-ni按呢 lâi來 hòa-siàu化數, hō͘予 tsòe做 Hòa-hoat化法, iā也 thang通 kiò tsòe做 Tsu-téng hòa-hoat化法.

Hòa-hoat化法 iàu-kín要緊 thang通 hun-piat分別 nn̄g-hō͘. Ēng用 bú母 hòa-tsòe kiáⁿ囝, kiò-tsòe叫做 Thong. Ēng用 kiáⁿ囝 hòa-tsòe bú母, kiò tsòe做 Bēng.

Thong-hoat, tio̍h着 chiong bú母 ê个 hoat-siàu法數 sêng乘 bú母 ê个 si̍t-siàu實數, sòa thiⁿ-chham添參 lân-san零星 ê个 kiáⁿ囝. Só͘所 tit-tio̍h得著 ê个 siàu數 tio̍h着 tsòe做 tē-jī ê个 si̍t-siàu實數, chiong tē-jī ê个 hoat-siàu法數 lâi來 sêng-i乘伊 koh閣 thiⁿ-chham添參 lân-san-ê. Kàu到 só͘所 kiû ê个 sò͘-siaⁿ chīu就 soah.

Siat-sú設使 ū有 siàu數: Saⁿ-phò͘, poeh-lí, pah-it-tn̄g, sì-chhioh, chīu就 ài tsai知 lóng-tsóng攏總 kúi幾 chhioh尺.

Phò͘	Lí里	Tn̄g丈	Pō͘	Chhioh尺
3	8	100	0	4

Phò͘-tsòe bú母: beh欲 hòa-tsòe lí里 tio̍h着 ēng用 10 tsòe做 hoat法 lâi來 sêng乘, in-ūi因為 chi̍t-phò͘ 10 lí里. Siong-sêng相乘, koh閣 chham參 lân-san零星 ê个 8 lí里 chīu就 tit-tio̍h得著 38, thang通 tsòe做 tē-jī ê个 si̍t-siàu實數. Tio̍h着 ēng用 180 tsòe做 hoat法, in-ūi因為 chi̍t-lí一里 180 tn̄g丈. Sêng乘, koh閣 chham參 lân-san零星 ê个 110 tn̄g丈, chīu就 tit-tio̍h得著 6950 tn̄g丈, thang-tsòe tē-saⁿ ê个 si̍t-siàu實數. Tio̍h着 ēng用 2 tsòe做 hoat法, in-ūi因為 2 pō͘ chi̍t-tn̄g. Sêng乘, chīu就 tit-tio̍h得著 13900 pō͘, thang通 tsòe做 tē-sì ê个 si̍t-siàu實數. Tio̍h着 ēng用 5 tsòe做 hoat法, in-ūi因為 5 chhioh尺 chi̍t-pō͘. Sêng乘, koh閣 chham參 lân-san零星 ê个 4 chhioh尺, chīu就 tit-tio̍h得著 69504 chhioh尺.