Page:Pit Sòan Ê Chho͘ Ha̍k.djvu/37

Chiat chîⁿ-siaⁿ, tio̍h着 ēng用 10 lâi來 sêng乘, nā-sī若是 pún本 tsai知 ēng用 10 sêng乘 sió-sò͘小數, tō͘-tiám讀點 tio̍h着 thè退 chi̍t-ūi一位, chīu就 chîⁿ錢 ū有 45, koh閣 sió-sò͘小數 ・67. Chiat hun-siaⁿ, tō͘-tiám讀點 tio̍h着 koh閣 thè退 chi̍t-ūi一位, tit-tio̍h得著 hun分 456・7. Chiat lî-siaⁿ, chīu就 tit-tio̍h得著 lî釐 4567. Chiat hô-siaⁿ, sió-sò͘小數 to-bô, chīu就 tio̍h着 thiⁿ添 0, tit-tio̍h得著 hô毫 45670. Chiat si-siaⁿ, hut-siaⁿ iā也 sī是 án-nī.

4・567	niú兩
45・67	chîⁿ錢
456・7	hun分
4567	lî釐
45670	hô毫
456700	si
4567000	hut

Siat-sú設使 chi̍t-kho͘-gûn ōe-ōaⁿ-tit 1100 chîⁿ錢, chīu就 saⁿ-kho͘ nng-kak-pòaⁿ ta̍t-tio̍h chîⁿ錢 jōa-tsōe偌濟?

Lân-san零星 ê个 2 kak-pòaⁿ tio̍h着 kì-tsòe sió-sò͘小數, chiah ū有 gûn銀 3・25, in-ūi因為 pòaⁿ-kak chīu-sī就是 5 chiam. Ēng用 1100 tsòe做 hoat法 lâi來 sêng乘, chīu就 tit-tio̍h得著 35700, tsóng-sī總是 nn̄g二 ê个 0 tio̍h着 tsòe做 sió-sò͘小數. Tek-siàu得數 chīu-sī就是 3575 chîⁿ錢.

Siat-sú設使 chi̍t-niú gûn銀 ōe-ōaⁿ-tit 1500 chîⁿ錢 chīu就 5 niú兩, 7 hun分 ta̍t-tio̍h chîⁿ錢 jōa-tsōe偌濟?

Ēng用 sió-sò͘小數 lâi來 kì記 chiah ū有 niú兩 5・07. Ēng用 1500 tsòe做 hoat法 lâi來 sêng乘 chīu就 tit-tio̍h得著 7605 chîⁿ錢.

Nn̄g二 kho͘箍 chhit-chîⁿ tāng ōe會 chiat-tit kúi-niú?

Ēng用 sió-sò͘小數 siá寫 niú-siaⁿ, chhit-chîⁿ chīu-sī就是 ・7, ēng用 2 lâi來 sêng-i乘伊, tit-tio̍h得著 1 niú兩 4.

・9275 kun斤 kúi幾 niú兩. In-ūi因為 16 niú兩 1 kun斤 chīu就 beh欲 hòa化 kun斤 tsòe做 niú兩 tio̍h着 ēng用 16 sêng乘. Titi-tio̍h 15 niú兩.

Chiah ê个 siàu數, ha̍k-seng學生 tio̍h着 liān kàu-sek.

1. Chi̍t-nî一年, kúi-tiám-cheng? Kúi-khek? Kúi-hun? Kúi-biáu?
2. Poeh-táu, kúi-kak? Tsa̍p-jī-táu, kúi-chin?
3. La̍k-kho͘-gûn, kúi-kak? Kúi-chiam?
4. Chhit-niú, kúi-chîⁿ? Kúi-hun? kúi-lî? Kúi-hô? Kúi-si? Kúi幾 hut?
5. Lak-chîⁿ? kúi-hun? Kúi-hô? Kúi-hut?
6. Gō͘-hun, kúi-lî? Kúi-hô? Kúi-hut?
7. Nn̄g-niú saⁿ-lî? lóng-kiōng攏共 kúi-hô? Tek得 20030.