Page:Pit Sòan Ê Chho͘ Ha̍k.djvu/56

4 lâng儂 bóe買 mī-hún麵粉 sûi-ê bóe買, 10 kun斤 6 niú兩 7 chîⁿ錢; kiōng共 bóe買 kúi-kun幾斤?

In-ūi因為 10 chîⁿ錢 1 niú兩 ∴ 7 chîⁿ錢 thang通 kì記 tsòe做 niú兩 ê个 sió-sò͘小數; chham參 6 niú兩, kiōng共 6・7 niú兩. Hòa-tsòe化做 kun斤, kiōng共 10・41875 kun斤.

Ēng用 4 sêng乘. Tek得 41・675 kun斤 tsóng-sī總是 ài kì記 tsòe做 kúi-kun幾斤 kúi-niú幾兩 ∴ koh閣 hòa化, tit-tio̍h得著 41 kun斤 10 niú兩 8 chîⁿ錢.

Chiah-ê遮个 siàu數數 ha̍k-seng學生 tio̍h着 sǹg算.

1. Tio̍h着 ēng用 4, 8, 12, 18 lâi-sêng來乘 1 niú兩 2 hun-pòaⁿ. Tek得 4・1, 8・2, 12・3, 18・45.
2. Tio̍h着 ēng用 16, 26, 32, 54 lâi-sêng來乘 5 kho͘箍 5 chiam. Tek得 80・8, 131・3, 161・6, 272・7.
3. Tio̍h着 ēng用 44, 4・4, 4・04, 4・004 lâi-sêng來乘 5 kho͘箍 2 kak-pòaⁿ. Tek得 231, 23・1, 21・21, 21・021.
4. Tio̍h着 ēng用 8, ・8, ・08, ・008 lâi-sêng來乘 4 kho͘箍 2 kak-pòaⁿ. Tek得 34, 3・4, ・34, ・034.
5. Chi̍t-lâng一儂 chi̍t-ji̍t一日 tsòe-kang做工 ōe會 thàn賺 kak-pòaⁿ gûn銀, chīu就 16 lâng儂 tsòe-kang做工 34 ji̍t日 ōe會 thàn賺 jōa-tsōe偌濟? Tek得 81・6.
6. Bóe-tê, chi̍t-tàⁿ 20 niú兩 5 chîⁿ-gûn錢銀 thang通 tsài載 khì去 Tāi-engkok. Tsûn, móa-tsāi, ōe會 kham-tit 50000 tàⁿ, chīu就 chi̍t-tsāi ta̍t值 kúi-niú-gûn? Kúi-kho͘幾箍 ê个 chhit-chîⁿ-jī? Tek得 1025000; 1423611・11.
7. Ū有 lâng儂 tù-chheh lâi-ìn 1500 pún本, hoat-bōe發賣, chi̍t-pun, 2 kak角 8. Ìn-pán ê个 só͘-hùi所費 kiōng共 286 kho͘箍 6 kak角 8, chīu就 bōe-liáu ū有 thàn賺 kúi-kho͘幾箍? Tek得 133・32.
8. Téng-bīn頂面 hit-tiâu siàu數數, siat-sú設使 hit-ê彼个 lâng儂 bōe袂 i-ê chheh, chi̍t-pún, kak-jī, chīu就 kiōng共 tio̍h着 si̍h-pún jōa-tsōe偌濟? Tek得 106・68.
9. Chi̍t-niú-gûn ōe會 ōaⁿ-tit 1500 chîⁿ錢, chīu就 bó͘-koe ê个 tiàm-tiān khì去 bóe買 chi̍t-tàⁿ-tê 20 niú兩 6 chîⁿ-gûn錢銀 lâi來 lân-saⁿ-bōe, chi̍t-kun 350 ji̍t日 chîⁿ錢: bōe-chīn, ū有 thàn賺 jōa-tsōe-chîⁿ? Tek得 4100.
10. Lâng儂 bóe買 chi̍t-pau ko-phi 96 kun斤 12 niú兩, chi̍t-kun kak-jī gûn銀; chi̍t-pau kiōng共 kúi-kho͘幾箍? Tek得 11・61.
11. Chi̍t-kun tê茶 ta̍t值 3 chîⁿ-gûn錢銀, chīu就 5 kun斤 8 niú兩 ta̍t值 jōa-tsōe偌濟? 7 kun斤 4 niú兩 jōa-tsōe偌濟? 15 kun斤 12 niú兩 jōa-tsōe偌濟? 18 kun斤 7 niú兩 jōa-tsōe偌濟? 25 kun斤 15 niú兩 jōa-tsōe偌濟? Tek得 1・65, 2・175, 4・725, 5・53125, 7・78125.