Piàn pá-hı̀

Nn̄g ê iû-lám-chhia kong-si ê tông-hâng teh khai-káng. Ông--ê kóng:「Sı̂-ki to bô hó--a,koh tú tio̍h tē-tāng chai-lān, só͘-ū ê chhia lóng teh koaiⁿ-báng, m̄-koh lí ká-ná chin bô-êng ê khoán.」 Lí--ê ı̀n:「1 ê khı̀-gia̍p-ka kóng--koè:Khah hó ê sı̂-ki to ū lâng liáu-chı̂ⁿ, khah bái ê sı̂-ki to ū lâng thàn-chı̂ⁿ; phiat-pō͘ sı̄ chāi lâng siūⁿ--ê.」 Ông--ê mn̄g:「Ô͘-o͘! Lín kong-si ū siáⁿ-khoán pá-hı̀?」 Lí--ê hoê-tap: 「Gún thui-chhut [chai-khu it-jı̍t-iû ], chham-ka ê lâng ū-kàu ka-ia̍h--ê, hoān-sè ài kā lín tiàu chhia.」 (Tâi-bûn Bóng-pò tē 37 kı̂,1999 nı̂ 10 ge̍h)