Pit-soàn ê Chho͘-ha̍k/Hàn-jī
算數兮法度毋但一个。檢采欲學算數初學定定就用算盤就會做得，若是欲講究數學較深兮理，著攑筆來寫才會。
漳泉眾儂所算兮，干焦是錢銀彼號數，就所捌兮，干焦是算盤兮法度爾爾，所以平時叫這个法度做算法。攑筆來寫也真正是算法，總是，愛分別伊，通叫做筆算。
欲學這个筆算兮法度著對初學起，才通漸漸到對數、代數、三角法佮數學遐兮較深兮方法。將這本初學予學生學，意思毋是予怹，學了，通講：「今明白啦！」是欲予怹略略仔知數學兮意味爾爾，向望儂儂會希望一本較深兮。