P. K. U. ê kang-chok
1. Kı̀-liām siat-kàu pah chiu-nı̂,
Sı̀n-tô͘ múi lâng tio̍h kak-chhíⁿ;
Tāi-hoē ūi che í-keng koat,
Cho͘-sêng chhit pō͘ teh siat-hoat.
2. Tē-it chhui-hêng pâi chò chêng,
Iau-kiû sı̀n-tô͘ chı̄n sú-bēng;
Hōng-hiàn kı̂-tó kap chò kang,
Iā tio̍h hiàn-chı̂ⁿ thang kiù-lâng.
3. Tē-jı̄ châi-chèng tio̍h khak-sı̍t,
Choè-chió tio̍h hiàn cha̍p-hūn-chı̍t;
Lí nā ūi Chú án-ni chò,
Seng-oa̍h tek-khak bián hoân-ló.
4. Tē-saⁿ chiū-sı̄ liân-lo̍k pō͘,
Ài tit lāi-goā lâi hia̍p-chō͘;
Ǹg-bāng tit-tio̍h chı̂ⁿ kap lâng,
Poē-ka ūn-tōng chiah ún-tàng.
5. Tē-sı̀ hō-mâi kiò chu-liāu,
Èng-hù kok pō͘ só͘ su-iàu;
Chhiáⁿ lín kok pō͘ bián khoà-lū,
Nā khiàm chu-liāu chia lóng ū.
6. Koh-lâi hùn-io̍k pâi tē-gō͘,
Hùn-liān jı̂n-châi thang hia̍p-chō͘;
Chiong-lâi kang-lâng tio̍h ka-poē,
M̄-bián kàu-sı̂ bô tàng chhoē.
7. Tē-la̍k hō-miâ Thoân-tō-pō͘,
Iau-kiû sı̀n-tô͘ toā hia̍p-chō͘;
Nā ū phài-lâng kàu kùi-tē,
Lí tio̍h hia̍p-chok m̄-thang the.
8. Tē-chhit hō-miâ kiò i-liâu,
I-pēⁿ thoân-tō͘ chò bo̍k-phiau;
Bô-chı̂ⁿ phoà-pēⁿ siū i-tı̄,
Ēng che lâi thoân Chú tō-lí.
Kài-siāu pō͘-tiúⁿ
1. Chhui-hêng pō͘-tiúⁿ Loā Péng-tông,
Thang kóng sui-sı̄ bô chin thong;
Kai-chài pō͘-oân kô-kô béng,
Poē-ka ūn-tōng tek-khak sêng.
2. Châi-chèng Pō͘-tiúⁿ Gô͘ Khó-bián,
Liāu-lí keng-chè choè ún-kiān;
I teh siat-hoat ke̍k lài ún,
Bián kiaⁿ chı̂ⁿ po̍h siū khui-sún.
3. Liân-lo̍k Pō͘-tiúⁿ Bí Te̍k-lí,
Goā-kok pêng-iú moá-moá-sı̄;
I ē siat-hoat lâng hia̍p-chō͘,
Nā tio̍h khiàm chı̂ⁿ iā ū lō͘.
4. Chu-liāu Pō͘-tiúⁿ So͘ Thian-bêng,
Só͘ chiap chu-liāu kài châi-chêng;
Iā ū pō͘-oân tàu siat-hoat,
Tio̍h iōng chu-liāu éng bián khoat.
5. Hn3-io̍k Pō͘-tiúⁿ si Lı̂m Chiàu,
Thioân-tō bo̍k-hoē gâu piàn-khiàu;
Ài chai sı̍t-chek khoàⁿ Phêⁿ-ô͘,
Siū-hùn ha̍k-seng boē chhò-gō͘.
6. Thoân-tō Pō͘-tiúⁿ miâ Tè Hoán,
Chit ūi chiū-sı̄ te̍k-pia̍t soán;
I ē khiā tı̄ Su-lēng tâi,
Iā ē pún-sin lo̍h-khı̀ thâi.
7. I-liâu Pō͘-tiúⁿ Chhoà Ài-gı̄,
I-tek ko-bêng lâng léng-lı̄;
I-liâu thoân-tō nā teh chò,
Un2-tàng hō͘ lán choè khó-khò.
(Tâi-oân Kàu-hoē Kong-pò, Tē 792 kı̂, 1954 nı̂ 12 goe̍h)
