----Sı̀n-tô͘ ê seng-oa̍h kap Sèng-keng
1. Siōng-tè un-tián thiàⁿ-thàng, kong-gı̄,
Tı̀-hūi, koân-lêng, ke̍k toā bô pí;
Chiâu-pı̄ kı̀-chài, tı̄ I Sèng-keng,
Lán nā khûn tha̍k, chiū oē hun-bêng.
2. Sèng-keng chí-sı̄ éng-oa̍h ê lō͘,
Kà lâng jı̄n-bat Kiù chú Iâ-so͘;
Kèng-ùi Siōng-tè, kap I hô-hó,
Che-iūⁿ tı̀-hūi, bô kè ê pó.
3. Pē-bú kà-sı̄, tok-chek soè-kiáⁿ,
Chiàu che Sèng-keng, chiū oē sı̀-chiàⁿ;
Siōng-tè tō-lí, chûn tı̄ sim-lāi,
Thoat-lı̄ choē ok, siám-pı̄ chai-hāi.
4. Kàu-io̍k ki-chhó͘, chāi-tı̄ Sèng-keng,
Kiâⁿ che tō-lō͘ jı̂n-seng kng-bêng;
Tit-tio̍h sêng-kong, sū-sū heng-thong,
Chú ê sèng-miâ, hō͘ lâng chun-chông.
5. Chû-siān sū-gia̍p, kun-kù Sèng-keng,
Chín-kiù lêng-hûn, jio̍k-thé pı̄ⁿ-chèng;
Siōng-tè ê oē, oa̍h-miā hong-hù,
Sı̀n che hok-im, choē-jı̂n kui Chú.
6. Sı̀n-tô͘ seng-oa̍h, jı̍t-jı̍t tek-sèng,
Sı̂-siông kı̂-tó, cha-khó Sèng-keng;
Chun siú kài-bēng, m̄-káⁿ ûi-poē,
Siōng-tè ê oē, éng-oán boē hoè. A-men.
(Tâi-oân Kàu-hoē Kong-pò, Tē 840 kı̂, 1958 nı̂ 12 goe̍h)
