Sòng-pia̍t-hoē
Tı̄ 1925 āu Chhun-kùi Tiong-hoē ê sı̂ ,ū phài Ko Kim-seng Bo̍k-su kap phí-jı̂n siat-hoat kā Pa Phok-sū sòng-pia̍t ; só͘-it2? kin-nı̂ 1 goe̍h 1 jı̍t ngó-āu 6 tiám , tı̄ Sı̂n-ha̍k-hāu káng-tn̂g chò tiûⁿ- só͘ , ū Khui iân-sia̍h , chhiáⁿ cha̍p-goā lâng chò-phoāⁿ . Tiong-kan iā ū chò tām-po̍h û-hèng , chhin-chhiūⁿ chhut teng-chhai ,chò͘ Hàn-ga̍k , hō tāi-ke saⁿ-kap hoaⁿ-hí . Phí-jı̂n koh chò chı̍t-chhiú sòng-piat si , ûn-ûn .
1. Sian-siⁿ hōng-chhe lı̄ kò-thó͘
Koè-lâi Tâi-oân siū kan-khó,
Pò-tō hō͘ lâng bô hoaⁿ-hí,
Phoah chho͘ seng-khu, chin chhàu-bı̄.
2. Sian-siⁿ bô lia̍h-chò chin kı̂ ,
Ūi Chú lêng-jio̍k sı̄ hok-khı̀ ;
In-ūi peh-sı̀ⁿ sim chin chhián ,
Ài o̍h Kiù-chú lâi sià-bián.
3. Thoân kàu kà-o̍h keng-koè kú ,
Gō-cha̍p it nı̂ chiâⁿ le̍k-sú .
Tú-tio̍h hu-jı̂n chá koè-sı̀ ,
Toaⁿ-sin chò kang bô sit-chı̀.
4. Chhit-cha̍p-peh hoè chheng ló-ong ,
Kùi-thé iû-goân sı̄ kiān-khong ,
Tı̀-hūi chhiong-chiok chin cheng-eng ,
Thang kap Ka-le̍k sio pí-phēng.
5. Chit-pang jı̄m-kı̂ í-keng kàu ,
Tò-khı̀ Eng-kok tı̄ in tau ,
Kı̂-kiû Siōng-chú saⁿ hû-chō͘ ,
Goān pêng-an keng-koè chúi-lō.
6. Hioh-khùn an-jiân chı̍t-nı̂ kú ,
Tio̍h lâi Hok-kiàn koh boâ-bú ,
Hoān-e̍k Kū-iok ê Sèng-keng ,
Lı̄-ek sı̀n-tô͘ káng bān-chheng.
(Tâi-oân Kàu-hoē-pò Tē 491 hō, 1926 nı̂ 2 ge̍h)
