1 Thiⁿ-toē Chú-cháiⁿ thoân-lo̍h bēng-lēng,
Hoan-hù chèng-lâng koé pháiⁿ phín-hēng,
Sim-koaⁿ hoán-hoé tio̍h sı̀n Iâ-so͘,
Lâi niá soé-lé kiâⁿ i chin lō͘.
2 Lán sūn Siōng-tè chiū oē pêng-an,
Kap thiⁿ hô-hó, bián-kiaⁿ kan-lân;
Iâ-so͘ siúⁿ-sù Sèng-sı̂n ê un,
Hō͘ lán koé-pı̀ⁿ kap i chhin-kūn.
3 Lán kiâⁿ thiⁿ-lō͘ jı̍t-jı̍t hoaⁿ-hí,
Ná kú ná se̍k bat thiⁿ tō-lí;
Pē Kiáⁿ Sèng-sı̂n kap lán kau-thong,
Chiàu-kò͘ ín-chhoā tı̍t kàu thian-tông.
4 Khún-kiû Siōng-tè khó-lı̂n chèng-lâng,
Hō͘ thong thiⁿ-ē kam-goān tâu-hâng,
Kong-phoà Mô͘-kúi kan-chà kè-bô͘,
Hō͘ lâng kian-sim lâi thàn Iâ-so͘.
